ఏచూరికి ప్రవాసాంధ్రుల అభినందన

న్యూజెర్సీ: న్యూ జెర్సీ, న్యూయార్క్‌, పెన్సిల్వేనియా ప్రవాసాంధ్రులతో సీపీఐ(ఎం) పోలిట్ బ్యూరో సభ్యుడు సీతారాం ఏచూరి సమావేశమయ్యారు. ఆయన్ని కలుసుకోవడం ఎంతో ఆనందంగా ఉందని ఆయా కమ్యూనిటీల ప్రతినిధులు సంతోషం వ్యక్తం చేశారు. ప్రస్తుతం పార్లమెంట్‌లో ప్రవేశపెడుతున్న బిల్లులపై ముఖ్యంగా విద్యాహక్కు చట్టం గురించి ప్రవాసులు అడిగిన ప్రశ్నకు ఆయన సమాధానాలు ఇచ్చారు. సీతారాం ఏచూరి తెలుగు వారన్న విషయం చాలా మందికి తెలుసు.

సెజ్‌ల వల్ల సామాన్యుడు ఏవిధంగా నష్టపోతున్నాడో సీతారాం వివరించారు. భారతదేశంలో పెట్టుబడులు పెట్టడం ద్వారా ప్రవాసులు మాతృదేశంతో మరింత అనుబంధాన్ని కలిగి ఉంటారని ఆయన అన్నారు. ఈ కార్యక్రమంలో రామకృష్ణ, మహేష్‌, జానికి రావు, స్టాన్లీ రెడ్డి, చినబాబు రెడ్డి, ప్రదీప్‌, రాఘవరెడ్డి, చంద్రశేఖర్‌రెడ్డి, రాంసూర్యరెడ్డి, హరినాధ్‌, సురేష్‌రెడ్డి, మోహన్‌, సుభోద్‌రెడ్డి తదితరులు పాల్గొన్నారు.