పేద విద్యార్థికి ఎన్నారైల సహాయం

హైదరాబాద్: తెలంగాణ రాష్ట్ర సమితి (తెరాస) ఎన్నారై విభాగం ఓ పేద విద్యార్థికి ఆర్థిక సాయం చేసింది. ఎం సురేశ్ అనే విద్యార్థికి తెరాస అధ్యక్షుడు కె. చంద్రశేఖర రావు చేతుల మీదుగా ఆ ఆర్థిక సాయాన్ని అందజేశారు. సురేష్ స్వస్థలం ఖమ్మం జిల్లా. లక్ష్యం సివిల్ సర్వీసు సాధించడం.

కానీ అతని ఆర్థిక స్థోమత అందుకు అడ్డం పడింది. ఏం చేయాలో తెలియని పరిస్థితిలో లండన్‌కు చెందిన తెరాస ఎన్నారై సెల్ అధ్యక్షుడు అనిల్ కూర్మాచలంను ఈ-మెయిల్ ద్వారా అతను సంప్రదించాడు. దీంతో స్పందించింది. సాయానికి ముందుకు వచ్చింది.

జన్మదిన వేడులకు దూరంగా ఉండాలని తెరాస పార్టీ అధ్యక్షుడు కె. చంద్రశేఖరరావు నిర్ణయించుకున్నారు. దీంతో ఆ వేడుకలకు అయ్యే ఖర్చు మొత్తం రూ. 25 వేలను సురేష్‌కు సాయంగా అందివ్వాలని నిర్ణయించింది.

ఈ మేరకు ఇటీవల కెసిఆర్ చేతుల మీదుగా విద్యార్థి సురేశ్ రూ.25 వేల చెక్కును అందుకున్నారు. ఈ కార్యక్రమంలో తెరాస ఎన్నారై సెల్ తెలంగాణ కో-ఆర్డినేటర్ జి. రఘురాం పాల్గొన్నారు.

English summary

TRS NRI cell has extended financial assistance to a poor student at a tune of Rs 25 thousand. TRS president K Chandrasekhar Rao presented the cheque to the student Suresh.