మార్ఫ్ చేసిన అశ్లీల ఎంఎంఎస్‌తో మహిళ ఆత్మహత్య

By Pratap

Published: Friday, February 17, 2012, 11:55 [IST]

కోల్‌కతా: మార్ఫ్ చేసిన అసభ్యకరమైన ఎంఎంఎస్ సర్క్యులేషన్ ఓ మహిళ ప్రాణాల మీదికి వచ్చింది. తీవ్రంగా కలత చెందిన 28 ఏళ్ల జెస్మినా బీబి అనే మహిళ ఆత్మహత్య చేసుకుంది. ఆమెకు ఇద్దరు పిల్లలు ఉన్నారు. ఈ సంఘటన గురువారంనాడు పశ్చిమ బెంగాల్‌లోని బెహ్రంపూర్‌లో చో టు చేసుకుంది. యువకులు, ఆమె పొరుగువారు ఆమెను తీవ్ర మనస్తాపానికి గురి చేశారు. దీంతో ఆమె ఉరేసుకుని చనిపోయింది.

ఓ మహిళపై, నలుగురు యువకులపై మృతురాలి భర్త బాబూ షేక్ పోలీసులకు ఫిర్యాదు చేశాడు. ఆ ముఠా జెస్మినాను తీవ్రంగా వేధించిందని, దీంతో ఆమె ఆత్మహత్య చేసుకుందని అతను ఆరోపించాడు. మొబైల్‌లో తన భార్య ఫొటోను సర్క్యులేట్ చేస్తూ వేధించారని అతను చెప్పాడు. షాపులో ఆమె ఫొటోను తీశారని, న్యూడ్ బాడీతో ఆమె ముఖాన్ని మార్ఫ్ చేశారని, దాన్ని సర్క్యులేట్ చేశారని అతను ఆరోపించాడు. కేసును దర్యాప్తు చేస్తున్నామని ముర్షిదాబాద్ అదనపు ఎస్పీ అన్నప్ప ఇ చెప్పారు.

Published On February 17, 2012