వివాహేతర సంబంధం కోసం భర్తను చంపిందంటూ...

వరంగల్: వివాహేతర సంబంధం కోసం భర్తను చంపిందంటూ ఓ మహిళను గ్రామస్థులు దారుణంగా చితకబాదిన సంఘటన వరంగల్ జిల్లాలో మంగళవారం చోటు చేసుకుంది. వరంగల్ జిల్లాలోని ఓ గ్రామంలో షహానా అనే మహిళ స్థానికంగా ఉన్న ఒకరితో అక్రమ సంబంధం పెట్టుకుందని గ్రామస్థులు ఆరోపిస్తున్నారు. ఈ విషయం తెలుసుకున్న భర్త భార్యను పలుమార్లు మందలించాడు. దీంతో వివాహేతర సంబంధం కోసం భర్తను వదిలించుకోవాలని ఆమె చూసిందని అంటున్నారు. అతను తినే భోజనంలో విషం పెట్టి చంపేసిందని గ్రామస్థులు ఆరోపిస్తున్నారు.

మంగళవారం ఆమెను కర్రలతో చావబాదారు. గ్రామస్థులంతా ఒక్కటై ఆమెపై విరుచుకు పడ్డారు. దీంతో ఆమెకు ఒళ్లంతా గాయాలయ్యాయి. గంట పాటు ఆమెపై తమ ప్రతాపం చూపించారు. పోలీసులు వచ్చి ఆమెను కొట్టకుండా గ్రామస్థులను అడ్డుకున్నారు. అనంతరం ఆమెను పోలీసు స్టేషన్‌కు తీసుకు వెళ్లారు. పోలీసులు ఆమెను విచారిస్తున్నారు. ఆమెను కొట్టిన వారిపై పోలీసులు కేసు నమోదు చేసినట్లుగా తెలుస్తోంది.

English summary

Villagers from Warangal district were beat a woman with sticks.