ఇంట్లోకి చొరబడి మహిళపై అత్యాచారం, ఆపై హత్య

పానాజీ: ఓ మహిళ అత్యం దారుణంగా అత్యాచారానికి గురై, ఆపై హత్యకు గురైంది. గుర్తు తెలియని నిందితులు పానాజీ సమీపంలోని శాంతాక్రజ్ గ్రామంలో ఇంట్లోకి చొరబడి 69 ఏళ్ల మహిళపై అత్యాచారం చేశారు. ఆ తర్వాత ఊపిరాడకుండా చేసి హత్య చేశారు.

మహిళ ఒంటరిగా ఉన్న సమయం చూసి ఇంట్లోకి చొరబడి దుండగులు అత్యాచారానికి, హత్యకు పాల్పడినట్లు పోలీసులు సోమవారంనాడు చెప్పారు. ఈ సంఘటన శనివారం అర్థరాత్రి దాటిన తర్వాత ఆదివారం తెల్లవారు జామున జరిగింది.

మహిళ బంధువు ఒకతను పాత గోవా పోలీసు స్టేషన్‌లో సంఘటనపై పిర్యాదు చేశాడు. మహిళ పేరు చెప్పడానికి పోలీసులు నిరాకరిస్తున్నారు.

దారుణానికి పాల్పడిన దుండగుల కోసం పోలీసులు గాలిస్తున్నారు. మహిళపై తొలుత అత్యాచారం చేశారని, ఆ తర్వాత మెత్తటి వస్తువుతో ఊపిరాడకుండా చేసి హత్య చేశారని పోలీసులు చెప్పారు.

English summary

A 69-year-old lady was allegedly raped and murdered by unknown culprits at Santa Cruz village near Panaji on Saturday night, the police said.