చరిత్ర సృష్టించిన నిఖత్.. వరల్డ్ బాక్సింగ్ ఫైనల్స్‌ లో స్వర్ణం కైవసం

భారత్ స్టార్ బాక్సర్, తెలంగాణ బిడ్డ నిఖత్ జరీన్ చరిత్ర సృష్టించింది. మరోసారి తన అసాధారణ ప్రతిభతో ప్రపంచాన్ని ఆకట్టుకుంది. వరల్డ్ బాక్సింగ్ కప్ ఫైనల్స్‌ లో అదరగొట్టింది. ఫైనల్స్ లో గోల్డ్ మెడల్ సాధించింది. గ్రేటర్ నోయిడాలో జరుగుతున్న వరల్డ్ బాక్సింగ్ కప్ ఛాంపియన్ షిప్ లో ఆమె మహిళల 51 కేజీల కేటగిరీలో విజేతగా నిలిచింది.

గురువారం జరిగిన ఫైనల్‌ మ్యాచ్ లో నిఖత్ 5-0 తేడాతో చైనాలోని తైపీకి చెందిన గువోయి జువాన్‌ ను ఓడించింది. ఫైనల్ బౌట్ మొత్తంలో ఎంతో ధైర్యం, దూకుడుగా ఆడింది నిఖత్. నైపుణ్యం అద్భుతంగా ప్రదర్శించి మువ్వన్నెల జెండాను మరోమారు ప్రపంచ వేదికపై ఎగురవేసింది. రెండు సార్లు వరల్డ్ ఛాంపియన్ గా నిలించింది. సెమీస్ లో ఉజ్బెకిస్థాన్ కు చెందిన బాక్సర్ గుల్సెవర్ పై విజయం సాధించి.. టైటిల్ పోరుకు దూసుకొచ్చింది నిఖత్.

🇮🇳 Nikhat Zareen claims GOLD at the World Boxing Cup Finals 2025 🥈

She beat Guo Yi Xuan 5-0 in the women's 51kg 🔝

— ESPN India (@ESPNIndia) November 20, 2025

ఈ టోర్నీలో నిఖత్‌ తోపాటుగా ఇతర మహిళా బాక్సర్లు కూడా తమ ప్రతిభను నిరూపించుకున్నారు. వీరిలో మీనాక్షి హూడా(48 కేజీలు), ప్రీతి పవార్(54 కేజీలు), అరుంధతి చౌదరి(70 కేజీలు), నుపుర్ షోరాన్(84కేజీలు), జాస్మిన్(57 కేజీలు), పర్విన్(60 కేజీలు) బంగారు పతకాలను సాధించారు. ఇక తెలంగాణలోని ఇందూర్ కు చెందిన నిఖత్ జరీన్.. 2022 బర్మింగ్‌ హామ్ కామన్వెల్త్ క్రీడల్లో స్వర్ణ పతకాన్ని సాధించింది.

#NDTVExclusive | निखत जरीन ने वर्ल्ड बॉक्सिंग कप में जीता गोल्ड, तेलंगाना सरकार से अपनी एकेडमी के लिए जमीन की मांग की #NikhatZareen | #WorldBoxingCupFinals | @Vimalsports | @nikhat_zareen pic.twitter.com/RTGhOw9Ex3

— NDTV India (@ndtvindia) November 20, 2025

అలాగే 2022 ఆసియా క్రీడల్లోనూ కాంస్య పతకాన్ని గెలుచుకుంది. తాజాగా గ్రేటర్ నోయిడాలో జరుగుతున్న వరల్డ్ బాక్సింగ్ కప్ ఛాంపియన్ షిప్ లో గోల్డ్ సాధించడంతో ఆమెకు దేశవ్యాప్తంగా ప్రశంసలు అందుతున్నాయి.