కాటేరమ్మ కొడుకులు అంటిరి కదరా
SRH vs MI: ఐపీఎల్ 2025లో సన్రైజర్స్ హైదరాబాద్ మరో ఓటమిని ఖాయం చేసుకున్నట్టే కనిపిస్తోంది. ముంబై ఇండియన్స్తో జరుగుతున్న మ్యాచ్లో అధ్వాన్నంగా ఆడుతోంది. తొలుత బ్యాటింగ్కు దిగిన ఆరెంజ్ ఆర్మీ.. 13 పరుగులకే ఏకంగా నాలుగు వికెట్లు కోల్పోయి కష్టాల్లో పడింది.
హైదరాబాద్ ఉప్పల్ స్టేడియంలో టాస్ ఓడిపోయి తొలుత బ్యాటింగ్కు దిగింది సన్రైజర్స్ హైదరాబాద్. ఏ మాత్రం కూడా కుదురుగా ఆడలేకపోతోంది. టాప్ ఆర్డర్ బ్యాటర్లందరూ ఆయారాం గయారాంలా తయారయ్యారు. 13 పరుగులకే నలుగురు బ్యాటర్లు పెవిలియన్ చేరారంటే ఆ జట్టు బ్యాటింగ్ ఎంత ఘోరంగా ఉందో అర్థం చేసుకోవచ్చు.
రెండో ఓవర్లో ఆరంభమైన బ్యాటింగ్ పతనం 4.1 ఓవర్ వరకూ యథేచ్ఛగా కొనసాగింది. రెండో ఓవర్ రెండో బంతికి ట్రావిస్ హెడ్ డకౌట్ అయ్యాడు. ట్రెంట్ బౌల్ట్ బౌలింగ్లో నమన్ ధీర్కు క్యాచ్ ఇచ్చి అవుట్ అయ్యాడు హెడ్. అప్పటికి జట్టు స్కోరు రెండు పరుగులే. బౌల్ట్ వికెట్లకు కాస్త దూరంగా వేసిన లెంగ్త్ డెలివరీని కవర్స్ మీదుగా భారీ షాట్ ఆడటానికి ప్రయత్నించాడు హెడ్.
బ్యాట్ టాప్ ఎడ్జ్ తీసుకున్న ఆ బంతి.. డీప్ బ్యాక్వర్డ్ పాయింట్ దిశగా గాల్లోకి లేచింది. అక్కడే ఉన్న నమన్ ధీర్ దీన్ని అందుకున్నాడు. రెండో ఓవర్ తొలి బంతికి ఇషాన్ కిషన్ అవుట్ అయ్యాడు. దీపక్ చాహర్ వేసిన బంతిని ఆడటంలో తికమకపడ్డాడు ఇషాన్ కిషన్. ఆ బంతి నేరుగా వెళ్లి వికెట్ కీపర్ రియాన్ రికెల్టన్ చేతుల్లో వాలింది.
ఆ వెంటనే క్రీజ్ను వదిలాడు ఇషాన్ కిషన్. ఇక్కడే హైడ్రామా చోటు చేసుకుంది. అతను క్రీజ్ను వదలడం చూసిన తరువాతే అంపైర్ అవుట్ ఇచ్చాడు. నిజానికి బౌలర్ దీపక్ చాహర్ గానీ, వికెట్ కీపర్ రికెల్టన్ గానీ అవుట్ అయినట్టు అప్పీలే చేయలేదు. బంతి బ్యాట్కు కనెక్ట్ కాలేదని స్నీకో మీటర్లో స్పష్టంగా తేలింది. ఇషాన్ చేసింది ఒక పరుగే.
ఆ తరువాత ఓపెనర్ అభిషేక్ శర్మ గానీ, నితీష్ కుమార్ గానీ ఎక్కువ సేపు క్రీజ్లో నిల్చోలేదు. అభిషేక్ శర్మ- 8, నితీష్ కుమార్ రెడ్డి- 2 పరుగులు చేశారంతే. జట్టు స్కోర్ 35 పరుగుల వద్ద అయిదో వికెట్ పడింది. హార్దిక్ పాండ్యా బౌలింగ్లో అనికేత్ వర్మ అవుట్ అయ్యాడు. ముంబై ఇండియన్స్ బౌలర్లల్లో ట్రెంట్ బౌల్ట్, దీపక్ చాహర్ రెండేసి చొప్పున వికెట్లు పడగొట్టారు. హార్దిక్ పాండ్యా ఓ వికెట్ తీసుకున్నాడు.
-
ఇక పెట్రోల్ బంకుల్లోనూ మద్యం.. కొత్త ఎక్సైజ్ పాలసీకి ఆమోదం! -
'ఆ ఒక్క కండీషన్ తో స్టార్ హీరోతో నిజంగానే శోభనం'.. హీరోయిన్ సంచలనం..!! -
అల్లు అర్జున్ "పుష్ప - 3"లో స్టార్ క్రికెటర్ విరాట్ కోహ్లీ భార్య.. -
హిట్ కొట్టాడురా సామీ!.. మిస్టరీ థ్రిల్లర్ అదిరిపోయింది..! -
ఓటీటీలోకి పవన్ కల్యాణ్ 'ఉస్తాద్ భగత్ సింగ్'.. ఆ రోజు నుంచే స్ట్రీమింగ్..? -
ఈ సినిమా చూస్తే ఈఎంఐల జోలికే పోరు సామి! -
వంట గ్యాస్ బుక్ చేసినా రావటం లేదా, ఇలా చేయండి.. వెంటనే..!! -
తిరుమలకు వెళ్లేవారికి గుడ్ న్యూస్, ఇక నేరుగా...సులభంగా..!! -
ప్రభాస్ ఫాలో అవుతున్న ఏకైక తెలుగు హీరో ఎవరో తెలుసా..? -
ఆసియాలోనే అతిపెద్ద, ప్రపంచంలో నాలుగో అతిపెద్ద విమానాశ్రయాన్ని ప్రారంభించనున్న ప్రధాని మోదీ -
ఏపీలో పెరగనున్న అసెంబ్లీ సీట్లు, జిల్లాల వారీ జాబితా - కలిసొచ్చేదెవరికి..!! -
కోర్టు బ్యూటీ శ్రీదేవీ "బ్యాండ్ మేళం" తో మళ్లీ హిట్ కొట్టేసిందయ్యో !!!
Click it and Unblock the Notifications
Sign in with Google