నేరుగా పార్లమెంట్ లో తెలంగాణ తీర్మానం?

తెలంగాణ విషయంలో కాంగ్రెస్ అధిష్టానవర్గానికి చిత్తశుద్ధి ఉంటే నేరుగా పార్లమెంట్ లోనే తీర్మానం ప్రవేశపెట్టొచ్చు కదా అన్న వాదన విన్పిస్తోంది. పార్లమెంటు ఉభయసభల్లో యుపిఎ కి సంపూర్ణ మెజారిటీ ఉంది. పైగా బిజెపి కూడా బాహాటంగా తెలంగాణకు మద్దతి ఇస్తోంది. సోనియాగాంధీ తలుచుకుంటే వారం రోజుల్లో పార్లమెంటులో ప్రత్యేక తెలంగాణ రాష్ట్ర తీర్మానం ఆమోదం పొందుతుంది.

తెలంగాణ ప్రాంతానికి చెందిన కాంగ్రెస్ నాయకులు సోనియా గాంధీని ఈ విషయంలో ఇంకా నమ్ముతున్నారు. కేంద్ర హోంసెక్రటరీ చెప్పినట్టు తెలంగాణ ఏర్పాటు ప్రక్రియ మొదలైపోయిందన్న భరోసాతో తెలంగాణ కాంగ్రెస్ ఎంపీలు ఉన్నారు. కానీ సోనియాగాంధీ అంత సాహసం చేస్తే ఆంధ్ర, రాయలసీమకు చెందిన కాంగ్రెస్, టీడీపీ ఎంపీలు రాజీనామా చేసే ప్రమాదం లేకపోలేదు. ఓకటి రెండు రోజుల్లో కెసిఆర్ సోనియాగాంధీని నేరుగా పార్లమెంట్ లో తెలంగాణ తీర్మానం ప్రవేశపెట్టాలని కోరే అవకాశముంది.