కెసీఆర్ జాతకాల పిచ్చి

హైదరాబాద్: చంద్రశేఖరరావు తమ పార్టీ నాయకుల పాలిట నిజంగా నియంతే. ఆయన ఒక్క జ్యోతిషులకు మాత్రమే గులాం అంటున్నారు. మహాకూటమిలో చేరమని, రానున్నది ఎన్డీయే ప్రభుత్వమని గతంలో ఆయనకు ఒక సిద్ధాంతి చెప్పడం తెలిసిందే. అది చేదు అనుభవంగా మారినా చంద్రశేఖరరావుకు జ్యోతిషుల మీద నమ్మకం సడలడం లేదు. ఇప్పుడు కొత్తగా వచ్చిన జ్యోతిష పండితుడు ఆయన గోచారం ఈ నెల 23 వరకు బాగుండలేదని చెప్పారట. అందువల్లనే ఆయన సొంత నియోజకవర్గమైన మహబూబ్ నగర్ జిల్లాకు వెళ్ళడం లేదట. ఫలితంగా ఆయనను గెలిపించుకున్న కరువు జిల్లా ప్రజలకు ఆయన దర్శనభాగ్యం కరువవుతోంది. గెలిచిన తర్వాత ఆయన ఇప్పటి వరకు అక్కడ అడుగుపెట్టలేదు.

గ్రహచారం బాగుండనప్పుడు తీసుకునే నిర్ణయాలు బెడిసికొడతాయని ఆ జ్యోతిష పండితుడు హెచ్చరించారట. పోలిట్ బ్యూరో, పొలిటికల్ అఫైర్స్ కమిటీ, కార్యక్రమాల అమలు కమిటీలను ప్రకటిస్తామని చెప్పినా కాలం బాగుండనందువల్లనే వాయిదా వేసుకున్నారట. ఆ జ్యోతిషుడు చెప్పిన ప్రకారమే చంద్రశేఖర్, రవీంద్రనాయక్ వంటి అసమ్మతి నేతలు తిరిగి వచ్చారట. దీనితో ఆయనపై కెసి ఆర్ గురి పెరిగినట్టు తెలుస్తోంది.

ఈమధ్య చంద్రశేఖరరావు విజయశాంతితో తప్ప మరెవరితోనూ సన్నిహితంగా ఉండడం లేదని, ఆమెతో తప్ప మరెవరితో సన్నిహితంగా ఉండడం లేదని చెబుతున్నారు. చూద్దాం, 23 తర్వాత చంద్రశేఖరరావు ఎటువంటి సంచలన సాహసోపేత నిర్ణయాలు తీసుకుంటారో!