రంగంలో ఉండవల్లి?

హైదరాబాద్: ముఖ్యమంత్రి ఎంపికలో మరో కోణం ముందుకు వచ్చింది. రాజకీయ అనుభవం అంతగా లేని జగన్ ను ముఖ్యమంత్రిని చేసే విషయంలో కాంగ్రెస్ అధిష్టానవర్గం మారు మనసుతో వ్యవహరిస్తున్నట్టు తెలుస్తోంది. రోయయ్యను కొనసాగిస్తూనే మరో సమర్ధుడి కోసం అన్వేషణ సాగుతోంది.

ఆ అన్వేషణలో భాగంగా అపర రాజకీయ చాణుక్యుడైన ఉండవల్లి అరుణ్ కుమార్ పేరు విన్పిస్తోంది.కోమటి అయిన రోశయ్యను కొంతకాలం ముఖ్యమంత్రిగా కొనసాగించి ఆ తర్వాత ఉండవల్లి అరుణ్ కుమార్ ను ముఖ్యమంత్రిని చేసి ఎన్నికల ముందు జగన్ ను జనం ముందుకు తేవాలన్నది ఆధిష్టానవర్గం వ్యూహంగా కన్పిస్తోంది. ఇది జగన్ శిబిరంలో కలవరం కలిగించే అంశమే.

ముఖ్యమంత్రి ఎంపిక ఆలస్యమయ్యే కొలదీ జగన్ శిబిరంలో టెన్షన్ పెరుగుతోంది. ఉండవల్లి అరుణ్ కుమార్ ను ముఖ్యమంత్రిని చేస్తే అతను ఆ కుర్చీ నుంచి దిగుతాడన్న నమ్మకం జగన్ తో సహా ఎవరికీ లేదు.

డిఎస్ కు ముఖ్యమంత్రి పదవిపై ఆశ ఉన్న గత ఎన్నికల్లో ఆయన ఎమ్మెల్యేగా ఓడిపోవడం పెద్ద మైనస్ పాయింట్. ఇక మరో అభ్యర్ధి కేంద్ర కేబినెట్ మంత్రి జైపాల్ రెడ్డి. ఆయన అధిష్టాన వర్గానికి కావలసినవి సమకూర్చగలిగిన వ్యక్తి కాదు . అందువల్ల ఆయన ముఖ్యమంత్రి పదవి కోసం తొందరపడడం లేదు.