• search
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

లగడపాటికి హైదరాబాద్‌తో రియల్ లింకులు!

By Srinivas
|
Lagadapati Rajagopal
హైదరాబాద్‌ రియల్ వ్యాపారంలో కోస్తాంధ్ర, సీమ ప్రాంతాలకు చెందిన సంస్థలకు లింకులు ఉన్నాయని, వివాదాస్పద భూములను కూడా రియల్ దందాలోకి లాగారని శ్రీకృష్ణ కమిటీ తన నివేదికలో పేర్కొన్నది. విజయవాడ పార్లమెంటు సభ్యుడు లగడపాటి రాజగోపాల్, గుంటూరు పార్లమెంటు సభ్యుడు రాయపాటి సాంబశివరావు తదితరులకు రాజధానిలోని రియల్ వ్యాపారాలకు సంబంధం ఉందని చెప్పారు. అన్ని రంగాల్లోనూ అభివృద్ధి చెందిన రాజధాని హైదరాబాద్‌ను ఏ ప్రాంతం వారు కోల్పోవడానికి ఇష్టపడటం లేదని, రాష్ట్ర విభజనకు ముఖ్యమైన అడ్డు హైదరాబాద్‌ అని శ్రీకృష్ణ కమిటీ హోంమంత్రి చిదంబరంకు సమర్పించిన తమ నివేదికలో పేర్కొన్నది.

ఆ నివేదికలో హైదరాబాద్‌తో పాటు చుట్టు పక్కల రంగారెడ్డి, మహబూబ్‌నగర్, మెదక్ జిల్లాల్లో రియల్ ఎస్టేట్ రంగంపై కూడా పేర్కొన్నది. హైదరాబాద్‌లో మౌలిక వసతుల రంగంలోకి పెట్టుబడుల భారీగా వస్తున్నట్టు చెప్పారు. భారతదేశంలోని ఢిల్లీ, బెంగుళూరులకు ధీటుగా హైదరాబాద్ అభివృద్ధి ఉందని చెప్పారు. రియల్ ఎస్టేట్ రంగంలోని మంచి చెడ్డలను ప్రస్తావనతో పాటు అందులోని అనేక లోపాలను, సమస్యలను కమిటీ ఎత్తిచూపింది.

అయితే ఈ రంగం అక్కడ రాజకీయ నేతలతో ముడిపడి ఉందని చెప్పింది. పలువురు ఎంపీలకు ఇందులో ప్రత్యక్ష, పరోక్ష సంబంధాలున్నట్టు చెప్పింది. నగరంలో విస్తృతంగా విస్తరించిన ల్యాంకో వ్యాపార సామ్రాజ్యానికి విజయవాడ పార్లమెంటు సభ్యుడు లగడపాటి రాజగోపాల్‌కు సంబంధాలు ఉన్నాయని తెలిపింది.

ఆర్జీఐఏని నిర్మించిన జిఎమ్మార్ సంస్థ ప్రపంచ పెట్టుబడి సంస్థగా అభివృద్ధి చెందినదని అది కోస్తాంధ్ర ప్రాంతానికి చెందిన వారిదని పేర్కొన్నారు. కేంద్రమంత్రి టి.సుబ్బిరామిరెడ్డికి మరో కన్ట్రక్షన్ కంపెనీతో సంబంధాలున్నాయని, చెప్పింది. ప్రస్తుతం నిర్మాణ పనులు జరుగుతున్న ఔటర్ రింగ్ రోడ్డుల గుంటూరు పార్లమెంటు సభ్యుడు రాయపాటి సాంబశివరావుకు సంబంధం ఉన్నట్టు తెలిపింది.

అయితే కొన్ని కంపెనీలు వివాదాస్పద భూములను కూడా వ్యాపారానికి ఉపయోగించి వివాదానికి తెరదీసాయని పేర్కొన్నది. ఇక్కడ రియల్ ఎస్టేట్‌కు ఊతమిచ్చింది ఐటీ రంగమని పేర్కొన్నది. ఐటి అభివృద్ధే హైదరాబాద్ రూపురేఖలను మార్చి వేసిందని చెప్పింది. మిగతా మెట్రో నగరాల డెవలపర్స్ హైదరాబాద్‌పై దృష్టి సారించడంతో నగర ప్రమాణాలు పెరిగాయి.

ఇది పరిశ్రమల ఎదుగుదలకు తద్వారా రియల్ ఎస్టేటే వ్యాపారానికి ఊతమిచ్చినదని తెలిపింది. అయితే రియల్ ఎస్టేట్‌లో పెట్టుబడులు, వ్యాపార లావాదేవీలపై స్పష్టమైన లెక్కలే లేవని కమిటీ అభిప్రాయపడింది. భూముల బదలాయింపుపై రాష్ట్ర ప్రభుత్వానికి వచ్చిన ఆదాయాన్ని బట్టి ఈ విషయాన్ని చెప్పవచ్చని చెప్పింది.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని హైదరాబాద్ వార్తలుView All

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more