రాములమ్మకు గుట్కా కష్టాలు

By Pratap

Published: Saturday, March 12, 2011, 15:11 [IST]

తెలంగాణ రాష్ట్ర సమితి (తెరాస) అధ్యక్షురాలు, ప్రముఖ తెలుగు సినీ నటి విజయశాంతి అనారోగ్యంతో బాధపడుతున్నట్లు తెలుస్తోంది. రాములమ్మ తీవ్రమైన ఆరోగ్య సమస్యలతో సతమతమవుతున్నట్లు ప్రచారం జరుగుతోంది. ఆమె ఇంతకు ముందు విపరీతంగా గుట్కాలు తినేదట. ఇప్పుడు మాదకద్రవ్యాలకు అలవాటు పడినట్లు ఊహాగానాలు చెలరేగుతున్నాయి. గుట్కా నములుతుండడం వల్ల ఆమె అప్పట్లో నోటీ అల్సర్ వచ్చిందని చెబుతున్నారు. వైద్యుడి సలహాతో ఆమె గుట్కా మానేసిందని, అయితే మత్తు పదార్థాలకు అలవాటు పడిందని అంటున్నారు.

మత్తు పదార్థాల కారణంగా ఆమె ఆరోగ్యం దెబ్బ తిన్నట్లు చెబుతున్నారు. దీంతో ఆమెకు ఆరోగ్య సమస్యలు తలెత్తినట్లు ప్రచారంలో ఉంది. ఈ అనారోగ్యం కారణంగా పార్టీ సమావేశాలకు కూడా తరుచుగా డుమ్మా కొడుతూ ఉండేదని చెబుతున్నారు. ఇటీవల ఆమె లోకసభలో జై తెలంగాణ నినాదాలు చేయడంతో గొంతు ఇబ్బంది కూడా వచ్చినట్లు తెలుస్తోంది. దాంతో ఆమె విశ్రాంతి తీసుకుంటోందని సమాచారం. ఆమెకు తెరాస అధ్యక్షుడు కె. చంద్రశేఖర రావు కొన్ని ఆరోగ్య సూత్రాలు చెప్పి, వాటిని అమలు చేయిస్తున్నారట.

అన్నాచెల్లెళ్లు కెసిఆర్, రాములమ్మ ఇటీవల లోకసభలో తెలంగాణపై లొల్లి పెట్టారు. ఆ లొల్లిని వారు అలాగే కొనసాగిస్తారని అందరూ అనుకున్నారు. కానీ వారు మూడో రోజు లోకసభకు వెళ్లడం మానేసి హైదరాబాదు తిరిగి వచ్చేశారు. కాంగ్రెసు పార్టీ చెప్పిన మాటలకు వెనక్కి తగ్గి వారు హైదరాబాదు వచ్చేశారని తెలంగాణవాదులు వారిపై గుర్రుగా ఉన్నట్లు చెబుతున్నారు.

Published On March 12, 2011