జగన్ ఆస్తుల కేసు: వైయస్ పాత్ర?

వైయస్సార్ కాంగ్రెసు పార్టీ అధ్యక్షుడు, కడప ఎంపీ వైయస్ జగన్మోహన్ రెడ్డి ఆక్రమార్జనలో దివంగత ముఖ్యమంత్రి వైయస్ రాజశేఖర రెడ్డి పాత్ర ఉందని సిబిఐ స్పష్టం చేసింది. వైయస్ ముఖ్యమంత్రిగా ఉన్న సమయంలో ప్రభుత్వం నుండి లబ్ధి పొందిన వ్యక్తులు జగన్ కంపెనీల్లో పెట్టుబడులు పెట్టారని పేర్కొంది. బుధవారం సిబిఐ తరఫు న్యాయవాది కోర్టులో తన వాదనలు వినిపించారు. ప్రభుత్వాధికారుల పాత్ర ఉందనడానికి నిదర్శనంగా ఇండియా సిమెంట్స్‌కు నీటి కేటాయింపులను చెప్పవచ్చునని, అంతర్రాష్ట్ర ఒప్పందానికి విరుద్ధంగా రంగారెడ్డి జిల్లాలో ఉన్న ఈ కంపెనీకి కాగ్నా నది నుండి అధికారులు నీటిని కేటాయించారని, అందుకు ప్రతిఫలంగా ఆ కంపెనీ జగతిలో రూ.40 కోట్లు పెట్టుబడి పెట్టిందన్నారు.

జగన్ కంపెనీల లావాదేవీల వెనుక విజయ సాయి రెడ్డి ఉన్నారని తెలిపింది. 2003-04 వరకు మంచి లాభాలున్న కంపెనీలను స్వాధీనం చేసుకని తనను వెళ్లగొట్టినట్లుగా ఓ వ్యక్తి సాక్ష్యం ఇచ్చారని, నాలుగు కంపెనీల్లోని వాటాలను రూ.3 లక్షలకు వైయస్ భారతి కొనుగోలు చేసి స్వాధీనం చేసుకున్నారన్నారు. 2006లో జగతి పబ్లికేషన్స్ విలువ రూ.149 కోట్లుగా విలువ కట్టగా 2009లో రూ.3400 కోట్లకు విలువ కట్టాలని విజయ సాయి రెడ్డి ఒత్తిడి తీసుకు వచ్చారన్నారు. బోగస్ కంపెనీలు సృష్టించి వాటిలోకి ముడుపుల సొమ్మును మళ్లించి అక్కడి నుండి జగతిలోకి తరలించారన్నారు.

జగన్ కంపెనీల్లో పెట్టుబడులు రాబట్టడానికి వ్యక్తులు, కంపెనీలకు ప్రయోజనం కల్గించడం లేదంటే బెదిరించడాన్ని మార్గంగా ఎంచుకున్నారన్నారు. కోల్‌కతాలో ఉన్న కంపెనీల నుంచి పెట్టుబడులు వచ్చినట్లు ఆదాయపు పన్ను శాఖ నివేదికలో పేర్కొన్నారని, వాటి ప్రకారం దర్యాఫ్తు జరిపితే అలాంటి కంపెనీల చిరునామాలే లేవని, తేలిందని తెలిపారు.

English summary

CBI confirmed, public servants hand in Jagathi Publications investments.