• search

ఎన్టీఆర్: బాబుపై జగన్ పార్టీ రివర్స్ ఆటాక్

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    NT Rama Rao
    హైదరాబాద్: స్వర్గీయ ఎన్టీ రామారావు విషయంలో వైయస్ జగన్ నాయకత్వంలోని వైయస్సార్ కాంగ్రెసు పార్టీ రివర్స్ అటాక్‌కు దిగింది. దొంగల పక్కన ఎన్టీ రామారావు ఫొటో పెట్టుకూడదని, అలా పెట్టుకుంటే సహించబోమని తెలుగుదేశం పార్టీ నాయకులు చేస్తున్న హెచ్చరికలకు జగన్ పార్టీ విరుగుడు మంత్రం కనిపెట్టింది. తెలుగుదేశం పార్టీ వ్యాఖ్యలను తిప్పికొట్టడానికి ఆ పార్టీ అధ్యక్షుడు నారా చంద్రబాబు నాయుడిపై తీవ్ర విమర్శలకు దిగుతోంది. బుధవారం వైయస్సార్ కాంగ్రెసు పార్టీ అధికార ప్రతినిధి జనక్ ప్రసాద్ చేసిన వ్యాఖ్యలను చూస్తే ఈ విషయం అర్థమవుతుంది.

    తెలుగుదేశం పార్టీ వ్యవస్థాపక అధ్యక్షుడు దివంగత ఎన్టీఆర్‌ను యుగపురుషుడు, కారణజన్ముడంటూ పాదయాత్రలో పొగుడుతున్న చంద్రబాబు 1995లో ఆయన గురించి ఏం మాట్లాడారో గుర్తుచేసుకోవాలని వైయస్స్రా కాంగ్రెస్ అధికార ప్రతినిధి బి.జనక్‌ప్రసాద్ సూచించారు. "వెన్నుపోటు పొడిచి ముఖ్యమంత్రి పీఠం నుంచి ఎన్టీ రామారావును దించేసినప్పుడు మీరు మాట్లాడిన మాటలేంటి? వైస్రాయ్ హోటల్ వద్ద ఎన్టీఆర్‌పై చెప్పులేయించిన ఘటనలు తెలుగు ప్రజలు మరిచిపోయారని అనుకుంటున్నారా?" అని ప్రశ్నించారు.

    ఎన్టీఆర్‌కు వెన్నుపోటు పొడిచిన తర్వాత ‘ఇండియాటుడే' ప్రతినిధి అమర్‌నాథ్ కె.మీనన్‌కు ఇచ్చిన ఇంటర్వ్యూల్లో ఏం మాట్లాడారో బాబు గుర్తుచేసుకోవాలని ఆయన అడిగారు. ‘ఎన్టీఆర్‌కు నైతిక విలువలు లేవన్నావు. తెలుగుదేశం పార్టీ అసలు ఎన్టీఆర్‌దే కాదన్నావు. పార్టీతో సంబంధం లేదన్నావు. ఆయనకు మతిస్థిమితం లేదంటూ పార్టీ సభ్యత్వ పుస్తకాల్లో ఎన్టీఆర్ బొమ్మను తొలగించావు' అని విరుచుకుపడ్డారు. తండ్రిని జైల్లో పెట్టి అధికారం కోసం సోదరుల్ని చంపించిన జౌరంగజేబు కంటే చంద్రబాబు నీచుడని ఎన్టీఆర్ చేసిన వ్యాఖ్యలను జనక్‌ప్రసాద్ గుర్తుచేశారు.

    లోకేష్ బాగోతమంటూ....

    నిత్యం తమ పార్టీ అధ్యక్షుడు జగన్‌మోహన్‌రెడ్డిని విమర్శిస్తున్న చంద్రబాబు కుమారుడు లోకేష్ బాగోతాలను బయటపెడితే మహిళలు చీపుర్లు పట్టుకొని వెంటపడి తరిమి కొడతారని హెచ్చరించారు. సంస్కారం ఉంది కాబట్టి ఆ విషయాల జోలికి వెళ్లటం లేదన్నారు. మొత్తం మీద, తెలుగుదేశం పార్టీలోని అంతర్గత తగాదాలను వైయస్సార్ కాంగ్రెసు పార్టీ నేతలు తమకు అనుకూలంగా మలుచుకుంటున్నట్లు కనిపిస్తోంది.

    English summary
    YS Jagan's YSR Congress party trying make reverse attack on Telugudesam party prasident Nara Chandrababu Naidu on NTR issue. 

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more