NRI news:అమెరికా తెలుగు సంఘం ఆధ్వర్యంలో ఫిట్‌నెస్ ఛాలెంజ్..!

అమెరికా తెలుగు సంఘం (ఆటా) వర్జీనియాలో 5k వాక్/రన్ ఫిట్‌నెస్ ఛాలెంజ్ విజయవంతంగా నిర్వహించింది. ఆగస్ట్ 20వ తేది ఆదివారం రోజున ఆష్ బర్న్ నగరంలోని W&OD ట్రైల్ ప్రాంగణంలో "ఆటా" 5k వాక్/రన్ ఫిట్ నెస్ ఛాలెంజ్ జరిగింది.ఈ కార్యక్రమానికి ఉపాధ్యక్షులు జయంత్ చల్లా మరియు ట్రస్ట్ బోర్ద్ సభ్యులు సుధీర్ బండారు మాట్లాడారు. ప్రతి ఒక్కరూ ప్రతి రోజూ ఒక గంట పాటు వాకింగ్ లేదా రన్నింగ్ చేయాలని పిలుపునిచ్చారు. అలా చేయడం వల్ల ఎలాంటి ఆరోగ్య సమస్యలు తలెత్తవని చెప్పారు.

ఇక ఆరోగ్యంపై అవగాహన కల్పించేందుకు ముందుకొచ్చి చాలా సక్సెస్‌ఫుల్‌గా ఫిట్‌నెస్ ఛాలెంజ్ కార్యక్రమాన్ని నిర్వహించిన శ్రీని మల్లపురం, ఆటా ఫిట్‌నెస్ ఛాలెంజ్ కో-ఆర్డినేటర్ షీతల్ బొబ్బకు ప్రత్యేక ధన్యవాదాలు తెలిపారు. ఆటా సంస్థ చేస్తున్న సేవా సహాయ కార్యక్రమాలను వారు వివరించారు. ఈ ఫిట్‌నెస్ ఛాలెంజ్‌లో మొత్తం 50 మంది వరకు పాల్గొన్నారు. ఆహ్లాదకరమైన వాతావరణంలో ఈ ఫిట్‌నెస్ ఛాలెంజ్ కార్యక్రమం జరగడంతో అంతా ఆనందం వ్యక్తం చేశారు. ఇలాంటి కార్యక్రమాలు భవిష్యత్తులో మరిన్ని నిర్వహించాలని కార్యక్రమంలో పాల్గొన్నవారు విజ్ఞప్తి చేశారు.

ఈ ఫిట్ నెస్ ఛాలెంజ్ కార్యక్రమం విజయవంతంగా దిగ్విజయం కావడానికి సహకరించిన వారికి ధన్యవాదాలు తెలిపారు. ఈ కార్యక్రమం సక్సెస్ కావడానికి సహకరించిన ట్రస్ట్ బోర్ద్ సభ్యులు సుధీర్ బండారు ,రవి చల్లా(కార్పోరేట్ స్పాన్సర్షిప్-ఛైర్), రీజనల్ కో-ఆర్డినేటర్ హనిమి వేమిరెడ్డి , అమర్ పాశ్య, హర్ష భరెంకబై మరియు మల్ల కాల్వ ,షీతల్ బొబ్బ (సోషల్ మీడియ కమిటి చైర్), రాము ముండ్రాతి (మీడియా కమిటీ చైర్), అమర్ బొజ్జ, సునీల్ కుడికల, ప్రవీణ్ దాసరి (పబ్లిసిటి కమిటి చైర్) మరియు కార్యక్రమాన్ని మీడియ కవరేజ్ చేసిన ఈశ్వర్ బండకు ప్రత్యేక ధన్యవాదాలు తెలిపారు.

అమెరికా తెలుగు సంఘం ఆధ్వర్యంలో 5k వాక్రన్ ఫిట్‌నెస్ ఛాలెంజ్#5KRun #Oneindiatelugu pic.twitter.com/faTpF52ou1

— oneindiatelugu (@oneindiatelugu) August 22, 2023

English summary

America Telugu Association (ATA) had successfully organised the 5k walk/run fitness challenge in virginia.