ప్రభాస్‌కి ఓటు హక్కు లేదా...?

దేశంలో మూడోదశ పోలింగ్ సోమవారం ముగిసింది. రెండు తెలుగు రాష్ట్రాల్లో కూడా సోమవారమే ఎన్నికలు జరిగాయి.తెలంగాణలో పార్లమెంట్ ఎన్నికలు జరగ్గా, ఏపీలో పార్లమెంట్‌తో అసెంబ్లీ ఎన్నికలు కూడా జరిగాయి. చెదురుమొదురు ఘటనలు మినహా మూడోదశ పోలింగ్ ప్రశాంతంగా ముగిసింది. గత నెల రోజులుగా రాజకీయ పార్టీల అధినేతలు తమ అభ్యర్థుల గెలుపు కోసం విస‌‌ృతంగా ఎన్నికల ప్రచారం నిర్వహించారు. నేతల జాతకాలు ఈవీఎంలలో నిక్షిప్తంగా భద్రపరచడం జరిగింది. ఇక గెలుపుపై ఇరు పార్టీల నేతలు ధీమా వ్యక్తం చేస్తున్నారు.

గతంలో ఎప్పుడు లేన్నంతగా ప్రజలు తమ ఓటు హక్కును వినియోగించుకున్నారు. ఈ నేపథ్యంలో ఎంతో మంది సినిమా సెలబ్రిటీలు కూడా స్వచ్ఛందంగా ముందుకు వచ్చి తమ ఓటు హక్కును వినియోగించుకొని అందరికీ ఆదర్శంగా నిలిచారు.పెద్ద ఎత్తున సెలబ్రిటీలు ముందుకు వచ్చి ఓటు హక్కును వినియోగించుకున్న సంగతి మనకు తెలిసిందే.మెగాస్టార్ చిరంజీవితో పాటు మహేష్ బాబు, ఎన్టీఆర్, అల్లు అర్జున్ వంటి వారందరూ కూడా తమ ఓటు హక్కును వినియోగించుకున్నారు.

అయితే ప్యాన్ ఇండియా స్టార్ ప్రభాస్ ఈసారి కూడా ఓటు వినియోగించుకోలేదు. గతంలో జరిగిన అసెంబ్లీ ఎన్నికలకు కూడా ప్రభాస్ దూరంగా ఉన్నారు. గత కొన్ని నెలల క్రితం జరిగినటువంటి అసెంబ్లీ ఎన్నికలలో అలాగే నిన్న జరిగినటువంటి పార్లమెంట్ ఎన్నికలలో కూడా తన ఓటు హక్కును వినియోగించుకోలేదు.ప్రభాస్ ఎక్కడ కూడా తన ఓటు వేయకపోవడంతో ఓటు లేకపోవడానికి గల కారణాలు ఏంటి అంటూ ఆరా తీస్తున్నారు. దీంతో అసలు ప్రభాస్‌కు ఓటు హక్కు ఉందా లేదా అనుమానాలు తెర మీదకు వస్తున్నాయి.

English summary

Did Prabhas not vote at the Telangana Assembly and lok sabha Elections.