తాగుదాం.. షూటింగ్ చేద్దాం! మళ్లీ జతకట్టిన హిట్ కాంబినేషన్!!
టాలీవుడ్ యూత్ ఫుల్ క్లాసిక్ 'ఈ నగరానికి ఏమైంది' చిత్రానికి సీక్వెల్గా వస్తున్న 'ఈ నగరానికి ఏమైంది 2 రిపీట్' షూటింగ్ ప్రస్తుతం శరవేగంగా జరుగుతోంది. దర్శకుడు తరుణ్ భాస్కర్, హీరో విశ్వక్ సేన్ కాంబినేషన్లో వస్తున్న ఈ సినిమాపై భారీ అంచనాలు ఉన్నాయి. ప్రస్తుతం ఈ సినిమాకు సంబంధించిన కీలక షెడ్యూల్ థాయ్లాండ్లోని అందమైన లొకేషన్లలో చిత్రీకరించబడుతోంది.
వైరల్గా మారిన బిహైండ్ ది సీన్స్ ఫోటో
తాజాగా ఈ చిత్ర యూనిట్ సోషల్ మీడియాలో ఓ ఆసక్తికరమైన ఫోటోను విడుదల చేసింది. ఇందులో "టీమ్ కన్యారాశి"గా పిలవబడే అభినవ్ గోమఠం, శ్రీనాథ్ మాగంటి, వెంకటేష్ కాకుమాను ఓ నీలిరంగు కన్వర్టబుల్ కార్లో కూర్చుని ఎంజాయ్ చేస్తూ కనిపిస్తున్నారు. వీరి మధ్య ఉన్న సాన్నిహిత్యం, సరదా చూస్తుంటే.. మొదటి భాగంలో ఉన్న అదే మ్యాజిక్ ఈ సీక్వెల్లో కూడా రిపీట్ కాబోతోందని అర్థమవుతోంది.
మళ్లీ అదే మ్యాజిక్.. వివేక సాగర్ సంగీతం
ఈ సినిమాకు వివేక్ సాగర్ సంగీతం అందిస్తున్నారు. మొదటి భాగంలో ఆయన అందించిన పాటలు, బ్యాక్ గ్రౌండ్ స్కోర్ ఎంతటి సెన్సేషన్ సృష్టించాయో అందరికీ తెలిసింద. ఇప్పుడు ఈ సీక్వెల్ కోసం కూడా ఆయన ఓ అదిరిపోయే ఆల్బమ్ సిద్ధం చేస్తున్నట్లు సమాచారం. ఎస్ ఒరిజినల్స్, రూట్ నోడ్ సినిమా బ్యానర్లపై ఈ ప్రాజెక్టు అత్యంత ప్రతిష్టాత్మకంగా నిర్మించబడుతోంది.
ప్రేక్షకుకులో పెరిగిన అంచనాలు
'ఈ నగరానికి ఏమైంది' సినిమా టాలీవుడ్ యూత్, ఫ్రెండ్షిప్ బేస్డ్ సినిమాల్లో ఓ ట్రెండ్ సెట్టర్గా నిలిచింది. ఇప్పుడు అదే గ్యాంగ్ మళ్లీ స్క్రీన్ మీద కనిపించబోతుండటంతో అభిమానులలో విపరీతమైన ఆసక్తి నెలకొంది. థాయ్లాండ్ షెడ్యూల్ ముగిసిన తర్వాత చిత్ర యూనిట్ ఇతర అప్డేట్లను పంచుకోనుంది.
Click it and Unblock the Notifications
Sign in with Google