Karthika deepam 2 September 18 Episode: కార్తీక్ బాబు ప్రాణదాత ఎవరు..?
కార్తీకదీపం 2 సీరియల్ తెలుగు రాష్ట్రాల్లో ఒక ఎమోషన్గా మారిందని చెప్పడంలో ఎలాంటి సందేహం లేదు. కార్తీక్ బాబు, దీపలకు తెలుగునాట ఎంతో క్రేజ్ ఉంది. అందుకే ఈ సీరియల్ అంత సక్సెస్ఫుల్గా రన్ అవుతోంది. నిన్న అంటే సెప్టెంబర్ 17వ తేదీన జరిగిన ఎపిసోడ్ ఆసక్తికరంగా సాగింది. ఒకసారి దాన్ని రివైండ్ చేసుకుని ఈరోజు ఏం జరుగుతుందో తెలుసుకుందాం.గత ఎపిసోడ్లో, శౌర్య పుట్టినరోజు వేడుకలకు కుటుంబ సమేతంగా శివ నారాయణ వచ్చేలా జ్యోత్స్న ప్లాన్ చేసింది. శివ నారాయణను ఇంటికి రమ్మని కార్తీక్కు ఫోన్ చేయించి, అతడిని బలవంతంగా తమ కారులో ఎక్కించుకుని నేరుగా కార్తీక్ ఇంటికి తీసుకువస్తుంది. జ్యోత్స్న ప్లాన్తో కార్తీక్ షాక్ అవుతాడు. శ్రీధర్ కూడా కార్తీక్ ఇంటికి వస్తాడు. తాను మారిపోయానని కార్తీక్తో చెప్పి, శౌర్య పుట్టినరోజు వేడుకలకు తన కుటుంబాన్ని కూడా తీసుకొస్తానని చెబుతాడు.
తాజా ఎపిసోడ్ (సెప్టెంబర్ 18)లో..
శౌర్య పుట్టినరోజు వేడుకలకు శివ నారాయణ కుటుంబం, శ్రీధర్ కుటుంబం కూడా హాజరవ్వడంతో కార్తీక్, దీప ఎంతో సంతోషిస్తారు. పారిజాతం ద్వారా కేక్, గిఫ్ట్లు తెప్పించి శివ నారాయణ ఆశ్చర్యపరుస్తాడు. ఇదే సమయంలో, శ్రీధర్ మారిపోయి శివ నారాయణకు నమస్కరించడం అందరినీ ఆశ్చర్యానికి గురిచేస్తుంది.
అయితే, కేక్ కట్ చేయడానికి సిద్ధమవుతున్న సమయంలో సుమిత్ర ఒక కీలకమైన ప్రశ్న అడుగుతుంది. "కార్తీక్, నీ ప్రాణదాత ఎవరు? ఆ విషయం తెలుసుకోవడానికే నేను వచ్చాను" అని పట్టుబడుతుంది. ఆమె ప్రశ్నతో ఇంట్లో ఉన్నవారంతా షాక్ అవుతారు.
తన ప్రాణదాత ఎవరో చెబుతానని చెప్పిన కార్తీక్, "ఆమె ఇక్కడే మన దగ్గరే ఉంది" అని సస్పెన్స్ పెడతాడు. సుమిత్ర, "నా ప్రాణాలను కాపాడినవారు దేవతతో సమానం, ముందు ఆమెకు చేతులెత్తి నమస్కరిస్తాను" అని అంటుంది. కార్తీక్, "మీరంతా వెళ్లడం కాదు, ఆ దేవతనే మనం ఇక్కడికి పిలిపిద్దాం" అని చెప్పి మళ్లీ ఉత్కంఠను పెంచుతాడు.
మరోవైపు, కాశీ అరెస్ట్ విషయం జ్యోత్స్న దాచిందని తెలుసుకున్న పారిజాతం ఆమెపై కోపంగా ఉంటుంది. కేక్ కట్ చేసిన తర్వాత జ్యోత్స్న శౌర్యను అవమానించేలా మాట్లాడగా, పారిజాతం అందుకు దీటుగా సమాధానం ఇస్తుంది. "కొందరి ప్రేమలు రక్త సంబంధంలా ఉంటాయ"ని చెప్పి జ్యోత్స్నకు గట్టిగా బుద్ధి చెబుతుంది. ఈ నాటకీయ పరిణామాలతో తర్వాతి ఎపిసోడ్పై ఆసక్తి మరింత పెరిగింది.
Click it and Unblock the Notifications
Sign in with Google