ఎన్నా సెలక్షన్ "తలైవా".. నిర్మాతగా కమల్.. విలన్గా డైరెక్టర్ శంకర్ !!
సూపర్ స్టార్ రజనీకాంత్, లోక నాయకుడు కమల్ హాసన్ తమిళంలో సూపర్ స్టార్లుగా ఎదిగారు. కోలీవుడ్ లోనే కాకుండా తెలుగు, కన్నడ, మలయాళం, హిందీ భాషల్లో సైతం అభిమానులను సంపాదించుకున్నారు. కాగా దశాబ్దాల తర్వాత వీరిద్దరూ ఒకే ప్రాజెక్ట్లో భాగం కావడం దేశవ్యాప్తంగా చర్చనీయాంశమైంది. కమల్ హాసన్ నిర్మాణ సంస్థ 'రాజ్ కమల్ ఫిల్మ్స్ ఇంటర్నేషనల్' నిర్మిస్తున్న రజనీకాంత్ 173వ చిత్రం (థలైవర్ 173) గురించి ఇప్పుడు మరోవార్త టాక్ ఆఫ్ ది టౌన్ గా మారింది.
ఈ చిత్రానికి సీనియర్ దర్శకుడు సుందర్.సి దర్శకత్వం వహించాల్సి ఉండగా.. అనివార్య కారణాలతో ఆయన తప్పుకున్నారు. దీంతో శివకార్తికేయన్ హిట్ చిత్రం 'డాన్' ఫేమ్ యువ దర్శకుడు సిబి చక్రవర్తికి ఈ బాధ్యతలు దక్కాయి. అనిరుధ్ రవిచందర్ సంగీతం అందిస్తున్న ఈ ప్రాజెక్ట్లో ప్రతి నాయకుడి పాత్ర ఇప్పుడు హాట్ టాపిక్ గా మారింది. ఈ సినిమాలో విలన్ పాత్ర కోసం ఏకంగా ఒక దిగ్గజ దర్శకుడిని రంగంలోకి దించుతున్నారని సమాచారం.
ఈ మూవీలో విలన్ పాత్ర కోసం ప్రఖ్యాత దర్శకుడు శంకర్ను సంప్రదించడంతో అంచనాలు భారీగా పెరిగాయి. శంకర్ దర్శకత్వంలో రజనీకాంత్ గతంలో 'శివాజీ', 'రోబో', '2.0' వంటి విజువల్ వండర్స్ చేశారు. ఇప్పుడు శంకర్ నటుడిగా, రజనీకాంత్ నాయకుడిగా ఢీకొట్టడం అపూర్వం. సిబి చక్రవర్తి చెప్పిన కథ, తన పాత్ర నచ్చడంతో శంకర్ నటించడానికి సానుకూలంగా స్పందించినట్లు తెలుస్తోంది. దీనికి తోడు, నిర్మాత కమల్ హాసన్ కూడా ఈ చిత్రంలో పవర్ఫుల్ అతిథి పాత్రలో కనిపించే అవకాశం ఉందని ప్రచారం జరుగుతోంది.
ఇక రజనీకాంత్ ప్రస్తుతం 'జైలర్ 2' షూటింగ్లో బిజీగా ఉండగా, అది పూర్తవగానే సిబి చక్రవర్తి దర్శకత్వంలో థలైవర్ 173 సెట్స్పైకి వెళ్లనుంది. ఈ భారీ బడ్జెట్ యాక్షన్ ఎంటర్టైనర్ను 2027 సంక్రాంతి కానుకగా విడుదల చేసేందుకు మేకర్స్ ప్రణాళికలు రచిస్తున్నారు. శంకర్ విలన్గా, అనిరుధ్ సంగీతం, కమల్ హాసన్ నిర్మాణం వంటి అంశాలు ఈ సినిమా బాక్సాఫీస్ వద్ద సరికొత్త రికార్డులను సృష్టించడం ఖాయమనిపిస్తోంది.
శంకర్ అంటే కేవలం ఒక దర్శకుడు మాత్రమే కాదు, భారత చిత్రసీమకు చెందిన అద్భుతాల మాంత్రికుడుగా పేరు తెచ్చుకున్నారు. మెకానికల్ ఇంజనీర్గా కెరీర్ ప్రారంభించి, 'జెంటిల్మేన్'తో దర్శకుడిగా మారారు. హాలీవుడ్ స్థాయి టెక్నాలజీని, భారీ సెట్టింగులను భారతీయ సినిమాకు పరిచయం చేసిన శంకర్, ఇప్పుడు నటుడిగా రజనీకాంత్ను ఎలా ఎదుర్కోబోతున్నారో చూడటం ప్రేక్షకులకు కన్నుల పండుగ కానుంది.
Click it and Unblock the Notifications
Sign in with Google