Fact Check: కులాల వారీగా ఏపీ ఓటర్ల జాబితా విడుదల..ఇందులో నిజమెంత..?

దేశవ్యాప్తంగా సార్వత్రిక ఎన్నికలు జరుగుతున్నాయి. ఈ నేపథ్యంలోనే ఎన్నో వార్తలు సోషల్ మీడియా వేదికగా వైరల్ అవుతున్నాయి. అయితే ఈ వార్తల్లో చాలా వరకు నిజాలు కనిపించడం లేదు. కొందరు తమ స్వార్థం కోసం ఇలాంటి తప్పుడు పోస్టింగులను సోషల్ మీడియాలో షేర్ చేస్తూ ప్రజాస్వామ్యాన్ని అపహాస్యం చేసే ప్రయత్నం చేస్తున్నారు. ప్రపంచంలోనే అతిపెద్ద ప్రజాస్వామ్య వ్యవస్థలో ఓట్ల పండుగ జరుగుతున్న వేళ ఇలాంటి అవాస్తవాలపై జాగ్రత్తతో ఉండాలని ఎన్నికల సంఘం సూచించింది.తాజాగా ఎన్నికల సంఘం పేరుతోనే ఓ పోస్టు వైరల్ అయ్యింది దానిపై ఆంధ్రప్రదేశ్ ఎన్నికల సంఘం స్పందించింది.

వైరల్ అవుతున్న పోస్టు ఏంటి..?

మే 13న జరిగిన ఆంధ్రప్రదేశ్ అసెంబ్లీ పార్లమెంటు ఎన్నికల సందర్భంగా ఎన్నికల సంఘం కులాలవారీగా ఓటర్ల జాబితాను విడుదల చేసిందంటూ సోషల్ మీడియాలో ఓ పోస్టు వైరల్‌గా మారింది.;పైగా ఇది ఏపీ ఎన్నికల సంఘం విడుదల చేసిందని పేర్కొంటూ పోస్టుపై లోగోను కూడా ఎడిట్ చేసి వేశారు. అయితే దీనిపై ఏపీ ఎన్నికల సంఘం స్పందించింది. ఎన్నికల సంఘం అసలు కులాల వారీగా ఓటర్ల వివరాలు ఎక్కడా విడుదల చేయలేదని స్పష్టం చేసింది. ఈమేరకు చీఫ్ ఎలక్ట్రోల్ ఆఫీసర్ అధికారిక ట్విటర్ అకౌంట్ ద్వారా స్పష్టం చేసింది.

ఫ్యాక్ట్ చెక్ చేసిన ఎన్నికల సంఘం

వైరల్ అవుతున్న పోస్టు పై ఫ్యాక్ట్ చెకింగ్ నిర్వహించడం జరిగిందని ఈ పోస్టు మొత్తం ఫ్యాబ్రికేటెడ్‌ అని ఈసీ స్పష్టం చేసింది. ఈ తప్పుడు సమాచారంను నమ్మొద్దంటూ ఎక్స్ వేదికగా ఈసీ పేర్కొంది. మంచి మాటను నిజాన్ని ఇతరులకు పంచండి తప్పితే అబద్దాలు కాదంటూ ఈసీ ఎక్స్‌ వేదికగా సూచించింది.ఇలాంటి పోస్టులు చేస్తూ తప్పుదోవ పట్టిస్తున్న వారిపై సీరియస్ అయిన ఈసీ గట్టి హెచ్చరికలు జారీ చేసింది.

🚨 BUSTED! 🚨

It's time to set the record straight! The following data circulating online is FALSE! 🛑

🔍 After thorough fact-checking, it's clear that the information being shared is completely fabricated. Don't be fooled by misinformation!

Let's keep our feeds filled with… pic.twitter.com/ORJHC9NxGk

— Chief Electoral Officer, Andhra Pradesh (@CEOAndhra) May 20, 2024

మొత్తానికి ఎన్నికల వేళ సోషల్ మీడియాలో ఇలాంటి తప్పుడు పోస్టుంగులు కథనాలు చాలామందిని ఆందోళనకు గురిచేస్తున్నాయి. సోషల్ మీడియాను మంచి వ్యాపింపచేసేందుకు వినియోగించాలి తప్పితే చెడును వ్యాపింపచేయడానికి కాదని పలువురు నిపుణులు అభిప్రాయపడుతున్నారు.

English summary

A post on social media is making rounds that AP Electoral office had released a list of voters based on the caste lines which is completely false.