నిత్యానంద వాదన: రంజితకు ఆశలు

తనతో కలిసి రాసలీలలు నడిపినట్లు చెబితే రూ.20 కోట్లతో పాటు ఎమ్మెల్యే సీటు ఇస్తామని నటి రంజితను పలువురు రాజకీయ ప్రముఖులు ఆశ చూపినట్లు రాసలీలలు సాగిస్తూ ఓ కెమెరా ఛానల్‌కు చిక్కిన నిత్యానంద స్వామి ఆరోపిస్తున్నారు. రంజితతో సెక్సు ఆరోపణలు ఎదుర్కొన్న చాలా కాలం తర్వాత నిత్యానంద మీడియా ముందుకు వచ్చి మాట్లాడారు. రాజకీయ నాయకులు రంజితకు ఆశ చూపి తన ప్రతిష్టను దెబ్బతీయాలని చూశారని ఆరోపించారు. అయితే అందుకు రంజిత ఒప్పుకోలేదన్నారు. సిడిలో ఉన్నది రంజిత తాను కాదన్నారు. అందులో ఉన్నది తాము కాదని సాక్ష్యాధారాలతో నిరూపిస్తానని చెప్పారు.

సదరు రాజకీయ నాయకులు ఆ సిడిలను మార్కెట్లోకి తేకముందే తన భక్తులకు చూపించి వారి నుండి కూడా భారీగా డబ్బులు గుంజారని ఆరోపించారు. తనపై వచ్చిన అపవాదు తప్పని నిరూపిస్తానని చెప్పారు. కోర్టులో తన నిజాయితీ నిరూపించుకున్న తర్వాత ప్రజల్లో అవగాహన కలిగించేందుకు పాదయాత్ర చేస్తానని అన్నారు. కాగా వచ్చే జూలై 15న బెంగుళూరులో ప్రజల ముందు కుండలీకరణ శక్తిని ప్రదర్శిస్తానని ఆయన చెప్పారు. అందులో భాగంగా గ్రాము పౌడర్ తీసుకొని కొన్ని వేల కిలో మీటర్ల దూరం పంపిస్తానని చెప్పారు. ఆ అద్భుతాన్ని ప్రజల ముందే చేస్తానని స్పష్టం చేశారు. రూ.10 కోట్ల వ్యయంతో తిరువణ్ణామలైలో కార్డియాక్ స్పెషాలిటీ ఆసుపత్రిని నిర్మిస్తానని చెప్పారు. అందులో ప్రజలకు ఉచిత వైద్యం అందిస్తానని చెప్పారు.

మత గురువులను, ఆధ్యాత్మిక వేత్తలను హింసించిన రాజకీయ నాయకులకు ప్రజలు మంచి బుద్ధి చెప్పారని డిఎంకె పార్టీని ఉద్దేశించి అన్నారు. కాగా కరుణానిధి ఆధ్వర్యంలోని డిఎంకె పార్టీ ఇటీవల జరిగిన ఎన్నికల్లో దారుణంగా ఓటమి చెందిన విషయం తెలిసిందే.

English summary

Nithyananda Swamy blamed political leaders for his sex scandal yesterday. He said political leaders offered MLA seat and Rs.20 to Ranjitha to blames him.