క్యాన్సర్ వ్యాధికి విరుగుడు కేరట్లు, పచ్చని ఆకు కూరలు

క్యాన్సర్ లన్నింటిలోకి అతి తక్కువ వ్యవధిలో మరణాన్ని కలిగించే పాన్ క్రియాటిక్ క్యాన్సర్ నివారణకు కేరట్లు, పచ్చని ఆకు కూరల లోని విటమిన్ -ఎ ఎంతో సహకరించగలవని ఇటీవలే ఒక భారతీయ శాస్ర్తవేత్త నేతృత్వంలోని అంతర్జాతీయ బృంద అధ్యయనంలో తేలింది. పాన్ క్రియాటిక్ క్యాన్సర్ అని ఒకసారి నిర్ధారణ అయితే చాలు చాలామంది రోగులు ఒక సంవత్సరానికంటే అధికంగా జీవించే అవకాశాలు లేవు.

క్యాన్సర్ కణాల చుట్టూ ఆరోగ్యవంతమైన విటమిన్ - ఎ కణాలను పెంచితే క్యాన్సర్ వృద్దిని అరికట్టవచ్చునని లండన్ లోని బార్ట్స్ క్యాన్సర్ ఇన్ స్టిట్యూట్ కు చెందిన డా. హేమంత్ కొచ్చర్ తాను కేంబ్రిడ్జి యూనివర్శిటీతో కలసి నాలుగు సంవత్సరాలపాటు చేసిన జాయింట్ పరిశోధనలో వెల్లడించారు. ఇంగ్లాండ్ దేశంలో ఏటా సుమారు 7,500 మంది రోగులను చంపివేస్తున్న ఈ పాన్ క్రియాటిక్ క్యాన్సర్ నివారణలో ఆచరిస్తున్న వివిధ వైద్య పద్ధతులకు, అతి తక్కువ మరణాలకు ఈ పరిశోధనా ఫలితాలు సహకరించగలవని కొచ్చర్ వెల్లడించినట్లు ఆ దేశపు వార్తాపత్రిక ది డైలీ ఎక్స్ ప్రెస్ పేర్కొంది.

English summary

The findings should lead to better survival rates and different treatment methods for pancreatic cancer that annually kills almost 7,500 patients in the UK. The Daily Express quoted Kocher as saying.