వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

మూకుమ్మడి పోరుకు కాంగ్రెసు వెనుకంజ

By Pratap
|
Google Oneindia TeluguNews

Botsa-Kiran kumar Reddy
మూకుమ్మడి ఉప ఎన్నికలను ఎదుర్కోవడానికి కాంగ్రెసు పార్టీ సిద్ధంగా లేదనే వార్తలు వస్తున్నాయి. విడతలవారీగా ఉప ఎన్నికలను ఎదుర్కోవడానికి మాత్రమే కాంగ్రెసు వ్యూహరచన చేస్తున్నట్లు తెలుస్తోంది. తొలి విడత ఏడు స్థానాల ఉప ఎన్నికలను ఎదుర్కోవడానికి కాంగ్రెసు నాయకత్వం కసరత్తు చేస్తోంది. ఈ ఏడు సీట్ల ఫలితాలను బట్టి తదుపరి ఉప ఎన్నికలకు వ్యూహరచన చేసుకోవాలనేది కాంగ్రెసు ఎత్తుగడగా కనిపిస్తోంది. ఇందుకుగాను వైయస్సార్ కాంగ్రెసు పార్టీ అధ్యక్షుడు వైయస్ జగన్ వర్గానికి చెందిన 17 మంది శాసనసభ్యులపై ఇప్పుడే అనర్హత వేటు పడకుండా చేయాలనేది కాంగ్రెసు ఆలోచన. జగన్ వర్గం శానససభ్యులపై వెంటనే వేటు వేస్తే మొత్తం 24 స్థానాలకు ఒకేసారి ఉప ఎన్నికలు వస్తాయి. దానివల్ల అది మినీ సాధారణ ఎన్నికలను తలపించే అవకాశం ఉంది.

ఒకేసారి ఉప ఎన్నికలు జరిగి తమకు వ్యతిరేకంగా ఫలితాలు వస్తే ప్రభుత్వం చిక్కుల్లో పడుతుందనేది కాంగ్రెసు నాయకత్వ భావన. జగన్ వర్గానికి చెందిన 17 మంది శానససభ్యులపై అనర్హత వేటును పెండింగులో పెట్టి ఏడు స్థానాలకు మాత్రమే తొలి విడత ఉప ఎన్నికలు జరిగేలా చూడాలని కాంగ్రెసు ఆలోచన చేస్తోంది. ప్రస్తుతం ఖాళీ అయిన ఏడు శాసనసభా స్థానాలకు ఏప్రిల్ నెలాఖరులోగా ఎన్నికలు పూర్తి కావాల్సి ఉంటుంది. ఇందుకు జనవరిలోనే ఎన్నికల కమిషన్ ఎన్నికల షెడ్యూల్ విడుదల చేసే అవకాశాలున్నాయని కాంగ్రెసు భావిస్తోంది. ఏడు స్థానాలకు ఉప ఎన్నికల నోటిఫికేషన్ విడుదలయ్యే వరకు జగన్ వర్గం శాసనసభ్యులపై అనర్హత వేటును పెండింగులో పెడితే వాటితో వీటికి ఎన్నికల కమిషన్ నోటిఫికేషన్ విడుదల చేసే అవకాశాలుండవు.

అదే సమయంలో ఉప ఎన్నికలు అనివార్యంగా మారుతున్న 24 శాసనసభా నియోజకవర్గాలకు కూడా కాంగ్రెసు ఇంచార్జీలను నియమించే పనిలో పడింది. తొలి విడత ఎన్నికలు జరిగే ఏడు నియోజకవర్గాలకు ఈ నెలాఖరులోగా ఇంచార్జీలను నియమించడానికి కసరత్తు చేస్తోంది. నియోజకవర్గం ఇంచార్జీలనే పార్టీ అభ్యర్థులుగా ఉప ఎన్నికల బరిలోకి దింపుతారు. ఆళ్లగడ్డకు గంగుల ప్రతాపరెడ్డిని, నర్సాపురానికి కొత్తపల్లి సుబ్బారాయుడిని, రామచంద్రాపురానికి తోట త్రిమూర్తులును ఇంచార్జీలుగా నియమించే అవకాశాలున్నాయి. పిసిసి అధ్యక్షుడు బొత్స సత్యనారాయణ ఇందుకు తగిన కసరత్తు చేస్తున్నారు.

English summary
According to media reports - Congress is not willing to face all the bypolls a time.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X