ప.గో. జిల్లాలో మెగా పాగా

తెలుగుదేశం పార్టీ సీనియర్ నాయకుడు, ఆ పార్టీ మేధావుల్లో ఒకరైన కోటగిరి విద్యాధరరావు చిరంజీవి ఏర్పాటు చేయనున్న రాజకీయపార్టీలో చేరడానికి రంగం సిద్ధమైనట్టు తెలుస్తోంది. కోటగిరి పశ్చిమ గోదావరి జిల్లాకు చెందినవారు. అదే జిల్లాకు చెందిన ఇద్దరు ముగ్గురు తెలుగుదేశం మాజీ ఎమ్మెల్యేలు కూడా కోటగిరిని అనుసరించి చిరంజీవి పార్టీలో చేరే అవకాశముంది.

వెలమ దొర అయిన కోటగిరికి, తెలుగుదేశం అధ్యక్షుడు చంద్రబాబు నాయుడుకు ఈ మధ్య సత్ సంబంధాలు లేవని తెలుస్తోంది. చిరంజీవి తెలుగుదేశం పార్టీలో కలిస్తే కాంగ్రెస్ పార్టీ తుడిచిపెట్టుకుపోతుందని నిన్న విద్యాధర రావు వ్యాఖ్యానించడం వ్యూహాత్మకమైన ముందడుగు అని రాజకీయ పరిశీలకులు అంచనా వేస్తున్నారు. ఇదే జిల్లాకు చెందిన కాంగ్రెస్ ఎంపీ హరిరామ జోగయ్య కూడా చిరంజీవి పార్టీలో చేరుతారని వార్తలు వచ్చాయి. ఈ నేపధ్యంలో చిరంజీవి పార్టీ ప్రారంభం కాకముందే పశ్చిమ గోదావరి జిల్లాల్లో మెగా పాగా వేసీనట్టయింది.