చిరు నష్టం కాంగ్రెస్ కే అధికమా?

ఉప ఎన్నికల వేడి తగ్గే వరకు ఎటువంటి రకంగా బయటికి రాకూడదని హీరో చిరంజీవి నిర్ణయించుకున్నప్పటికీ ప్రధాన పత్రికలు ఆయన రాజకీయాలకు సంబంధించిన వదంతులను, కొన్ని వార్తలను ప్రచురిస్తూనే ఉన్నాయి. చిరంజీవి రాజకీయాల్లోకి రావడం ఖాయం, అలాగే ఆయన గల్లీ గల్లీ తిరుగుతూ ఓట్లు అడగడం ఖాయం. మెగాస్టార్ గా ఒక సినిమాకు కాల్షీట్ ఇస్తే కనీసం ఏడెనిమిది కోట్లు సంపాదించుకునే పెద్ద మనిషి అనవసరంగా రాజకెయాల్లోకి వచ్చి కోట్లాది మందికి అభివాదం చేయవలసి వస్తుందని కొందరు చిరు అభిమానుల ఆవేదన.

అయితే చిరంజీవి సొంతంగా రాజకీయ పార్టీతో ముందుకు వస్తే ఆయనకు దాదాపు 90 శాతం సీట్లు వస్తాయని సోనియా గాంధీకి ఒక నివేదిక అందడంతో పరిస్ధితులు మారిపోయాయి. వైఎస్ సీరియస్ స్ గా మేడం సోనియా గాంధీతో అభివృద్ధి పనుల గురించి చర్చించాలని వెళ్ళినా ఆమె చిరంజీవి రాజకీయ పార్టీ గురించి పదే పదే ప్రశ్నించడం విశేషం. తెలుగుదేశం తరఫున బాలకృష్ణ రంగంలోకి దిగబోతున్న నేపధ్యంలో చిరంజీవి ఎఫెక్ట్ టిడిపి మీద కాకుండా కాంగ్రెస్ మీద ఉంటుందని అంచనా.