ఫుల్ గా కొట్టేసిన హరికృష్ణ

గతంలో రాజకీయ నాయకుల వ్యక్తిగత జీవితాలు గుంభనంగా ఉండేవి. వదంతులు ఉన్నా అవి ఒక చెవి నుంచి మరో చెవిలోకి ఆలస్యంగా దూరేవి. ఇప్పుడు వివిధ రకాల ఆధునిక మీడియా సాధనాలు జనానికి అన్ని విషయాలను కళ్ళకు కట్టినట్టు చూపిస్తున్నాయి. దానితో జనం తమంతట తాము నాయకుల వ్యక్తిగత జీవితాల మీద, క్రమశిక్షణ మీద వారంతట వారు ఒక అభిప్రాయానికి రాగలుగుతున్నారు.

నిన్న యువగర్జన సదస్సుకు హరికృష్ణ మద్యం ఎక్కువగా తాగి వచ్చినట్టు టీవీ లైవ్ టెలికాస్ట్ లలో స్పష్టంగా కన్పించింది. ఒక దశలో తూలిపోతూ కన్పించిన హరిని కొడుకులు, కొందరు నాయకులు నడిపించుకుంటూ వేదిక నుంచి దించారు. ఆ తర్వాత మజ్జిగ తాగి స్ధిమితం పొందిన హరికృష్ణ వేదిక మీదికి వచ్చి తాను మందు తాగలేదని చెప్పుకోడానికి మళ్ళీ ఓవర్ యాక్షన్ చేయవలసి వచ్చింది. ఆయన వేదిక మీద అటూ ఇటూ తిరిగి తాను మత్తులో లేనని నిరూపించుకోడానికి నానా తంటాలు పడాల్సి వచ్చింది.

హరికృష్ణ ఫుల్ గా మందు తాగి రావడం వల్ల అందరికంటే బాగా ఆనందించిన వ్యక్తి చంద్రబాబు నాయుడే. బాబు రాజకీయ స్వార్ధం అటువంటిది. బావమరుదులు గానీ సొంత తమ్ముడు కానీ తెలుగుదేశం పార్టీలో కీలక స్ధానంలోకి రాకూడదని ఆయన అనుకుంటారు. ఆ విషయం అనేక సందర్భాల్లో బయటపడింది.