బాబుని ఎన్టీఆర్ చంపమన్నారా?

ఎన్టీఆర్ కుటుంబ రాజకీయాలు రోజు రోజుకి కొత్త మలుపులు తిరుగుతూ జనంలో ఆసక్తి రేకిత్తిస్తున్నాయి. బాలకృష్ణకు ఆయన బావగారు దగ్గుబాటి వెంకటేశ్వరరావు రాసిన లేఖ నిన్న బహిర్గతమైంది. దగ్గుబాటి దంపతులు ఇప్పుడు కాంగ్రెస్ లో ఉన్నత స్ధాయిలో ఉన్నారు. అయితే ఎన్టీఆర్ ను గద్దె దింపడానికి వైస్రాయ్ హోటలో జరిగిన కుట్రలో దగ్గుబాటితో సహా అందరూ భాగస్వాములే. ఇప్పుడు దగ్గుబాటి చంద్రబాబు మీద నిప్పులు కక్కుతున్నారు. ఆయన బాలకృష్ణకు రాసిన లేఖలో ప్రధానాంశం ఆనాడు ఎన్టీఆర్ అన్న మాట. "నీవు నా బిడ్డవైతే చంద్రబాబును కత్తితో పొడిచి, ఆ రక్తంతో తడిసిన కత్తిని నాకు తీసుకు వచ్చి చూపించు..అని ఎన్టీఆర్ చివరి రోజుల్లో అన్న మాటలు మరిచిపోయావా బాలయ్యా" అని దగ్గుబాటి బాలయ్యకు రాసిన లేఖలో నిలదీశారు.

ఎన్టీఆర్ కుటుంబ గుట్టు మట్లు ఇప్పుడే బయటపడుతున్నాయి. జూనియర్ ఎన్టీఆర్, తమ కుమార్తె బాల్ బాడ్మింటన్ కోర్సులో ఫ్రెండ్స్ అని, తన భార్య పురంధరేశ్వరి వారిద్దరికీ స్నాక్స్ పెడుతుండేదని, అప్పుడు చంద్రబాబు నాయుడు జూనియర్ ఎన్టీఆర్ ను ఎందు ఇంటికి రానిస్తున్నారని అడిగాడని, అటువంటి వ్యక్తికి ఇప్పుడు జూనియర్ అవసరం వచ్చిందని, వాడుకుని వదిలేయడంలో చంద్రబాబును మించిన వారు లేరని దగ్గుబాటి అన్నారు.

అయితే ఆనాడు ఎన్టీఆర్ కు వెన్నుపోటు పొడిచిన వైస్రాయ్ హోటల్ కు వెళ్ళవద్దని భార్య పురంధరేశ్వరి తనకు సలహా ఇచ్చిందని, ఆమె మాట వినకుండా తాను అక్కడికి వెళ్ళి తప్పు చేశానని దగ్గుబాటి ఇప్పుడు అంటున్నారు. దగ్గ్గుబాటి ఇప్పుడు కాంగ్రెస్ కు మరింత చేరువ కావడానికే ఈ విషయాలను బహిర్గతం చేస్తున్నారన్న విమర్శలు ఉన్నాయి.