హైదరాబాద్ కోసం కమ్మవారి ఆరాటమని ఆరోపణలు

సమైక్యాంధ్ర వాదులు ఇంతగా రోడ్ల మీద పడింది హైదరాబాద్ కోసమేనా? అందరికీ హైదరాబాద్ ఒక కమ్మటి పదార్ధంలా కన్పిస్తోంది. కమ్మ వారికి ఇంకా కమ్మగా కన్పిస్తోందని కరడుగట్టిన తెలంగాణ వాదులు ఆక్షేపిస్తున్నారు. రామోజీ ఫిల్మ్ సిటీ, ల్యాంకోహిల్స్, అన్నపూర్ణ స్టూడియోస్, నార్నేఈస్ట్ సిటీ, జయభేరి ఎస్టేట్స్ కమ్మవారివి. ఇంకా చాలా మంది కమ్మ రియల్ ఎస్టేట్ వ్యాపారులు హైదరాబాద్ లో స్ధిరపడి కోట్లాది రూపాయలు సంపాదించారు. కానీ అందులో వారి శ్రమ, మేధాశక్తి ఇమిడి ఉండవచ్చన్న విషయాన్ని తెలంగాణ వాదులు విస్మరిస్తున్నారా? బెంగుళూరులో కూడా చాలా మంది ఆంధ్రావాలాలు రియల్ ఎస్టేట్ వ్యాపారాలు చేస్తూ కోట్లు గడిస్తున్నారు. అది కూడా మా శ్రమ ఫలితమేనని సమైక్యాంధ్ర వాదులు ఘంటాపథంగా టీవీ చానళ్ళలో చెబుతున్నారు. ఈ నేపధ్యంలో తెలంగాణ వాదులు ప్రదానంగా కమ్మవారినే టార్గెట్ చేసుకున్నట్టు కన్పిస్తోంది.

లగడపాటి రాజగోపాల్ తన సొంత స్ధానమైన విజయవాడలో దీక్ష చేసుకోకుండా హైదరాబాద్ కు వచ్చి నిమ్స్ లో చేరడం వివాదాస్పదమైంది. ఆయనకు హైదరాబాద్ లో అపారమైన ఆస్ధులు ఉండడం వల్లనే అలా చేశాడని విజయవాడలో సామాన్యులు కూడా అంటున్నారు. ఈరోజు ప్రధానమంత్రి చేయబోయే ప్రకటన చాలా కీలకమైనది. తెలంగాణ రాష్ట్రం ఏర్పడుతుందా లేదా అన్నది సర్వత్రా ఉత్కంఠ రేపుతోంది.