• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రాజకుమారి వ్యవహారం!

By Santaram
|

Nannapaneni Rajakumari
నన్నపనేని రాజకుమారి వ్యవహారం తెలుగుదేశంలో పెను దుమారం సృష్టిస్తోంది. ఆమెను ఎమ్మెల్సీ చేసిన తర్వాత చంద్రబాబు నాయుడు ఇవ్వాల్సిందంతా ఇచ్చా, ఇక ఎక్కువ చేయొద్దు అన్న తరహాలో వ్యవహరిస్తున్నట్టు తెలిసింది. ఉన్నది ఉన్నట్టు మాట్లాడే మనిషిగా రాజకుమారికి పేరుంది. ఏ పార్టీలో ఉంటే ఆ పార్టీకి అనుకూలంగా ఆమె పెద్ద న్యాయవాదుల కంటే తెలివిగా వాదన చేస్తారు.

ఆమె నోరు అంటే అందరికీ భయమే. చంద్రబాబు నాయుడు ఆమెను రాజ్యసభకు పంపకుండా, నేరుగా గెలిచే టికెట్ ఇవ్వకుండా చాలా కాలయాపన చేశారు. దిక్కుతోచని పరిస్ధితిలో ఆమె ఏ విషయాలు బయటపెడుతుందోనని ఎమ్మెల్సీ పదవి ఇచ్చారు. బ్లాక్ మెయిల్ ద్వారా తెచ్చుకున్న పదవిలో ఎవరూ కూడా ఆనందంగా ఉండలేరు. రాజకుమారి లగడపాటి రాజగోపాల్ వంటి కాంగ్రెస్ నాయకులకు సన్నిహితం కావడం చంద్రబాబుకు ఇష్టం లేదు. అందరూ ఒకే కులం వారైనా ఎవరి గోల వారిది. చంద్రబాబు నాయుడు మహిళా నాయకులను వాడుకుని వదిలేస్తారన్నది ప్రధాన ఆరోపణ. జయప్రద, రోజాల గోల అదే. వాడుకోవడమంటే ప్రచారానికి మాత్రమే సుమా!

ఎవరు ఏమనుకున్నా రాజకుమారి ఫైర్ బ్రాండ్. ఆనాడు తనను రాజకీయాల్లోకి తెచ్చిన రామారావునే ఎదిరించి నాదెండ్ల భాస్కరరావుతో కలిసింది. ఆమె కాంగ్రెస్ లో ఉన్నంత వరకు వైఎస్ తో వైరమే. ఇద్దరూ ఒకే వయో వర్గానికి చెందిన వారు. ఇప్పుడు ఆమె చంద్రబాబు, ఇతర రాజకీయ నాయకుల బట్టలు విప్పి అసలు నిజాలు చెప్పడానికి సిద్ధమైతే అది ప్రజలకు మంచిదే. కానీ 60 ఏళ్ళు దాటిన తర్వాత కూడా స్వార్ధ ప్రయోజనాలు చూసుకుంటే అది సమాజానికి మంచిది కాదు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X