కెవిపికి కోర్టు తిప్పలు తప్పవా?

వైయస్సార్ కాంగ్రెసు పార్టీ అధ్యక్షుడు వైయస్ జగన్‌పై సిబిఐ విచారణ జరిగిన నేపథ్యంలో రాజ్యసభ సభ్యుడు, వైయస్సార్ ప్రియమిత్రుడు కెవిపి రామచందర్ రావుకు కూడా కోర్టు తిప్పలు తప్పవా అనే సందేహం వ్యక్తమవుతోంది. కెవిపి రామచందర్ రావు ఆస్తులపై, లావాదేవీలపై ఓ సీనియర్ కాంగ్రెసు ఎమ్మెల్సీ కోర్టుకెక్కేందుకు సన్నాహాలు చేసుకుంటున్నట్లు వార్తలు వస్తున్నాయి. వైయస్ రాజశేఖర రెడ్డి హయాంలో కెవిపి రామచందర్ రావు చక్రం తిప్పిన విషయం తెలిసిందే.

కెవిపి కరుణాకటాక్షాలు ఉంటే చాలు, ఏ పనైనా ఇట్లే జరిగిపోయేదనే మాట బహుళ ప్రచారం ఉంది. గతంలో కాంగ్రెసు పార్లమెంటు సభ్యులు హర్షకుమార్, వి. హనుమంతరావు, మధుయాష్కీ బహిరంగంగానే కెవిపిపై విమర్శలు చేశారు. అయితే, అధిష్టానం వద్ద వైయస్సార్‌కు ఉన్న పలుకుబడితో ఎవరూ కెవిపిని తప్పు పట్టడానికి వెనకాడారు. ఇప్పుడు ప్రత్యర్థులు కత్తులు నూరుతున్నట్లు తెలుస్తోంది. ఇందులో భాగంగానే కెవిపిపై ఓ ఎమ్మెల్సీ కోర్టుకు వెళ్లాలని అనుకుంటున్నట్లు తెలుస్తోంది.

English summary

It is said that a Congress MLC is going to file petition against Rajyasabha member KVP ramachandar Rao.