జిమ్ బిజినెస్‌లో రామ్ చరణ్ తేజ భార్య ఉపాసన

హైదరాబాద్: డబ్బులు ఎన్ని ఉన్నా జీవితంలో ఏదో వ్యాపకం ఉండాలి కదా.. అందుకేనేమో, సినీ హీరో రామ్ చరణ్ తేజ సతీమణి ఉపాసన జిమ్ రంగంలోకి అడుగుపెట్టి మహిళా వ్యాపారుల జాబితాలో చేరిపోయారు. వివాహానికి ముందే ఆమె జిమ్‌ బిజినెస్‌ చూసుకునేవారు. జిమ్‌ వ్యాపారాన్ని ఆమె ఆషామాషీగా తీసుకోవడం లేదట. ఈ రంగంలో కొత్త విధానాన్ని ప్రవేశపెడుతున్నట్లు తెలుస్తోంది.

లాటిట్యూడ్‌ జిమ్‌ నిర్వాహకులతో ఆమె ఇటీవల ఓ ఒప్పందాన్ని కుదుర్చుకుంది. ఇకపై లాటిట్యూడ్‌ జిమ్‌ల పేర్లు అపోలో వెల్‌నెస్‌ సెంటర్లుగా మారనున్నాయి. వీటి నిర్వహణ ఉపాసన ఆధ్వర్యంలో కొనసాగుతుంది.

ప్రస్తుతం హైదరాబాదు నగరంలో మాత్రమే ఉన్న తమ జిమ్‌ సెంటర్లను త్వరలో ముంబై, చెన్నై, వైజాగ్‌లకు విస్తరించినున్నట్లు ఉపాసన చెప్పారు. అమెరికా నుంచి దిగుమతి చేసుకున్న టెక్నాలజీని ఈ జిమ్‌లలో ప్రవేశపెట్టనున్నట్లు తెలిపింది.

మహిళలు నాజుగ్గా తయారు కావడానికి బాడీ ఫిట్‌నెస్‌గా ఉండడానికి జిమ్‌లు ఉపయోగపడతాయని ఆమె చెబుతున్నారు. ఏమైనా, ఆమె ఈ రంగంలో ఓ వెలుగు వెలిగే అవకాశం లేకపోలేదు.

English summary

Tollywood hero Ram Charan Tej's wife Upasana is expanding her gim business to Mumbai, Chennai and Visakhapatnam.