• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ట్విస్ట్: 'డబ్బులిచ్చి మోడీని పొగిడించారు'

By Srinivas
|

Narendra Modi
ఇటీవల గుజరాత్ ముఖ్యమంత్రి నరేంద్ర మోడీని అమెరికా ప్రతినిధులు కలిసి పొగిడిన విషయం తెలిసిందే. దీనిపై ఇప్పుడు కొత్త ఆరోపణలు వినిపిస్తున్నాయి. మోడీని అమెరికా కాంగ్రెసు సభ్యుల విందు ఇప్పుడు చర్చనీయాంశమైంది. మోడీకి కితాబు వెనుక లక్షలు చేతులు మారాయానే ఆరోపణలు వస్తున్నాయి. వారికి డబ్బులు ముట్టజెప్పి మోడీకి జేజేలు కొట్టించారనే ప్రచారం జోరుగా సాగుతోంది.

కొంతమంది అమెరికన్ వ్యాపారులతో కలిసి కాంగ్రెస్ సభ్యులు ఆరాన్ ఛోక్, సింథియా ల్యూమీస్, కాథీ ఎమ్ రోడ్జర్స్ కొన్ని రోజులుగా భారత్‌లో పర్యటిస్తున్నారు. వీరి ఖర్చులను అమెరికాలోని షికాగోకు చెందిన ఎన్ఐఎపిపిఐ (నేషనల్ ఇండియన్ అమెరికన్ పబ్లిక్ పాలసీ ఇండస్ట్రీస్) భరిస్తున్నది. అయితే, ఈ పర్యటన అసలు ఉద్దేశం మోడీ అమెరికా ప్రభుత్వం దృష్టిలో పడేలా చేయడం, తద్వారా వీసా తదితర అడ్డంకులను తొలగించడమేనని కాంగ్రెస్ పార్టీ ఆరోపిస్తోంది.

దీని కోసం ఒక్కో సభ్యుడికి తొమ్మిది లక్షల దాకా చెల్లించారని ఆ పార్టీ ప్రతినిధి రషీద్ అల్వీ ఆరోపిస్తున్నారు. అమెరికా కాంగ్రెస్ సభ్యులకు ముడుపులు ఇచ్చి గుజరాత్ అభివృద్ధిపై సర్టిఫికేట్ ఇప్పించుకోవడం సిగ్గు చేటు అని, 2002 గోధ్రా అల్లర్ల తరువాత అమెరికా నిలుపుదల చేసిన వీసాను పునరుద్ధరించుకునేందుకు మోడీ ప్రయత్నిస్తున్నారని ఆరోపించారు. ఈ పరిణామాలతో అమెరికన్ బృందం చిక్కుల్లో పడింది.

తమ పర్యటనను ప్రశ్నించే హక్కు ఎవరికీ లేదని అరోన్ స్కాచ్ చెప్పారు. అమెరికా ప్రభుత్వం అనుమతితోనే తాము భారత్‌కు వచ్చామని వెల్లడించారు. అసలు ఇందులో వివాదం ఏముందని ప్రవాస బిజెపి శాఖ కన్వీనర్ విజయ్ జోలి ప్రశ్నిస్తున్నారు. అమెరికా ఇదంతా మామూలేనని, అధ్యక్షుడితో విందుకు పెద్ద మొత్తంలో చెల్లిస్తుంటారని జోలి పేర్కొన్నారు. కాంగ్రెస్ సభ్యుల పర్యటనకు నిధులు ఏర్పాటు చేసినమాట నిజమేనని ఎన్ఐఎపిపిఐ వ్యవస్థాపకుడు షలాభ్ కుమార్ తెలిపారు.

ప్రైవేట్ సంస్థల ఖర్చులపై వచ్చి అదేదో అధికార పర్యటన అన్నట్టు వ్యవహరించడం ఏమిటని గుజరాత్ పిసిసి అధ్యక్షుడు అర్జున్ మొద్వాదియా ఆక్షేపించారు. అమెరికా కాంగ్రెసు సభ్యులకు డబ్బులిచ్చారంటూ అమెరికాలోని ఓ భారతీయ పత్రికలో కథనాలు కూడా వచ్చాయి.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary

 They were all praise for him. The 24-member US delegation that met Narendra Modi left in total awe of him. Or was it all perfectly staged PR exercise?
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more