అటుకుల్లో ఇన్ని బెనిఫిట్స్ ఉన్నాయా?

అటుకులు అని తేలిగ్గా తీసుకుంటాం గానీ ఇందులో అనేక పోషకాలు ఉన్నాయి. అల్పాహారంగా, సాయంత్రం వేళ.. చిరుతిండిగా అటుకుల (పోహా)ను తింటుంటారు. తక్కువ కేలరీలు కలిగి ఉండటం దీని ప్రత్యేకత. బరువు తగ్గాలనుకునేవారికి పోహా ఒక దివ్యౌషధం. అద్భుతంగా పని చేస్తుందిది.

ఇందులో ఐరన్, ఫైబర్, విటమిన్లు వంటి పోషకాలు పుష్కలంగా ఉన్నాయి. క్యారెట్, బఠానీలు, వేరుశెనగలు, కరివేపాకు వంటి వాటిని చేర్చుకుంటే పోహాను మరింత రుచికరంగా తయారవుతుంది. భుజియా, చట్నీతో కలిపి తింటే రుచి మరింత పెరుగుతుంది. పోహా వల్ల ఆరోగ్య ప్రయోజనాలను కూడా ఉన్నాయి. అవేంటో ఇప్పుడు తెలుసుకుందాం..

రక్తంలో చక్కెర స్థాయిలను నియంత్రిస్తుంది: పోహాలో ఉండే ఫైబర్, రక్తంలో చక్కెర స్థాయిలను అదుపులో ఉంచుతుంది. ఇది నెమ్మదిగా, స్థిరంగా షుగర్ కంటెంట్ ను విడుదల చేస్తుంది. ఫలితంగా రక్తంలో చక్కెర స్థాయి స్థిరంగా ఉంటుంది. ఆకస్మిక పెరుగుదలను నివారించినట్టవుతుంది. డయాబెటిస్ తో బాధపడే వారికి ఇదో బెస్ట్ ఆప్షన్.

తక్కువ కేలరీలు: బరువు తగ్గడానికి పోరాడుతున్న వారికి పోహా ఒక గొప్ప ఆహారం. తక్కువ కేలరీలు కలిగి ఉండటంతో పాటు, ఇందులో సుమారు 76.9% కార్బోహైడ్రేట్లు, తక్కువ కొవ్వు శాతం ఉంటాయి. ఇది బరువు తగ్గడానికి అనువైనది. పోహాలోని ఫైబర్ కడుపును నిండుగా ఉంచుతుంది, అతిగా తినడాన్ని తగ్గిస్తుంది.

ఐరన్ పుష్కలం: పోహాను ఎండబెట్టి, రోలర్లతో చదును చేసేటప్పుడు, అది కొంత ఐరన్‌ను గ్రహిస్తుంది. ఇది శరీరంలో ఐరన్ లోపాన్ని నివారించడంలో సహాయపడుతుంది. గర్భిణీలు, పాలిచ్చే తల్లులకు కూడా ఇది మంచి ప్రయోజనకరం.

రక్తంలో చక్కెర స్థాయిలను నియంత్రించడంలో పోహ (అటుకులు) గ్లైసెమిక్ ఇండెక్స్ సహాయపడుతుంది. పోహలోని ఫైబర్ జీర్ణక్రియకు తోడ్పడటమే కాకుండా, నిమ్మరసం కలపడం వల్ల జీర్ణ వ్యవస్థ ఆరోగ్యం మరింత మెరుగుపడుతుంది. నిమ్మరసం రోగనిరోధక శక్తిని, చర్మ ఆరోగ్యాన్ని పెంపొందించే విటమిన్ సి కి మంచి వనరు.

పోహలో పిండి పదార్థాలు ఉండటం వల్ల.. దీన్ని తగిన మోతాదులో తీసుకోవడం చాలా ముఖ్యం. పోహను సమతుల్య ఆహారంలో భాగంగా చేర్చుకోవాలి కానీ, దీనిపైనే పూర్తిగా ఆధారపడకూడదు. మార్కెట్లో లభించే రెడీమేడ్ పోహ మిక్స్‌లలో చక్కెర, సోడియం ఎక్కువగా ఉండే అవకాశం ఉంది. కాబట్టి, ఇంట్లో తయారుచేసుకున్నవి లేదా జాగ్రత్తగా ఎంచుకున్న వాటిని వాడటం మంచిది.

పోహ పోషక విలువలను పెంచడానికి కూరగాయలు, పప్పులు, లేదా ఉడికించిన గుడ్లు జోడించవచ్చు. గుండె ఆరోగ్యానికి మేలు చేసే బాదం, అవిసె గింజలు వంటి నట్స్, గింజలను పోహపై చల్లుకోవడం వల్ల ఆరోగ్యకరమైన కొవ్వులు లభిస్తాయి. రుచి కోసం, అలాగే యాంటీ ఇన్‌ఫ్లమేటరీ, జీవక్రియను పెంచే లక్షణాల కోసం పోహలో పసుపు, జీలకర్ర, కారం పొడి వంటివి కలపవచ్చు.

English summary

Foh offers numerous health benefits, including improved digestion and enhanced immunity.