భారతీయతలో భాగం.. శ్రీకృష్ణాష్టమి

శ్రీకృష్ణాష్టమి హిందువులకు అతి ముఖ్యమైన పండుగ. శ్రీమహావిష్ణువు 8వ అవతారమైన శ్రీకృష్ణుడి జన్మదినాన్ని గుర్తుచేసుకునే పర్వదినం. శ్రావణ మాసంలో కృష్ణపక్షంలో అష్టమి తిథి రోజున శ్రీకృష్ణుడు జన్మించాడు. ఈ రోజున భక్తులు ఉపవాసం ఉండి, శ్రీకృష్ణుడిని పూజిస్తారు. అలా చేయడంద్వారా సుఖశాంతులు, అష్టైశ్వర్యాలను పొందుతారు.

ధర్మాన్ని కాపాడటానికి, రాక్షసులను సంహరించడానికి, మానవాళికి మార్గనిర్దేశం చేయడానికే శ్రీకృష్ణుడు జన్మించాడు. ఆయన ఒక అద్భుతం.. ఆయన ఒక యోధుడు.. ఆయన ఒక రాజు.. ఆయన ఒక జ్ఞాని.. అదీ, ఇదీ అని చెప్పడానికి వీలులేని భగవంతుడు ఆయన. సర్వమూ ఆయనే అయినప్పుడు ఆయన గురించి ప్రత్యేకంగా చెప్పేది కూడా ఏమీ ఉండదు. చిలిపి చేష్టలు, హాస్యం, భక్తి శ్రద్ధలకు బాగా ప్రసిద్ధి చెందాడు.

శ్రీకృష్ణాష్టమి రోజున భక్తులు ఉపవాసం ఉండటం ద్వారా తమ పాపాలను క్షమించాలని భగవంతుడిని కోరుకుంటారు. ఈ రోజున శ్రీకృష్ణుడిని పూజించడం వల్ల ఆయన అనుగ్రహం లభిస్తుంది. భగవద్గీత, విష్ణు సహస్రనామం వంటి పురాణాలను పారాయణం చేయడం ద్వారా మానసిక, ఆధ్యాత్మిక ప్రశాంతతను పొందవచ్చని భక్తులు నమ్ముతారు. దేశంలోని వివిధ ప్రాంతాలలో వివిధ రకాల ఉత్సవాలు జరుపుకుంటారు. కృష్ణుడి ప్రతిమలను నగరాలలోని ప్రధాన వీధుల్లో ఊరేగించడం, భగవద్గీత పారాయణం, భజనలు, నాటకాలు, ఉట్టి కొట్టడం వంటివి ఈ ఉత్సవాలలో ముఖ్యమైనవి. ఒక చారిత్రక, సాంస్కృతిక, ఆధ్యాత్మిక ప్రాముఖ్యత కలిగిన పండుగ. అంతేకాదు.. ఇది భారతీయ సంస్కృతిలో ఒక ముఖ్యమైన భాగం.

English summary

Sri Krishnashtami is the most important festival for Hindus.