వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

2023లో శక్తివంతమైన రాశుల వారు వీళ్ళే.. ఉద్యోగమైనా, వ్యాపారమైనా అదృష్టమంటే వీళ్ళదే!!

|
Google Oneindia TeluguNews

2023 లో వృత్తి వ్యాపారాలలో, ఉద్యోగాలలో వెనక్కి తిరిగి చూడకుండా ముందుకు దూసుకుపోయే జాతకులు ఎవరు? ఏ రాశి వారికి 2023 సంవత్సరం చాలా పవర్ ఫుల్ గా ఉంటుంది? కష్టానికి తగిన ఫలితాలు పొందడంతోపాటు ఊహించని పురోగతి ఏ రాశుల వారికి ఉంటుంది? వంటి అనేక విషయాలను ఈరోజు మనం తెలుసుకుందాం.

 ఈ సంవత్సరం కొన్ని రాశుల వారు అత్యంత శక్తివంతులుగా..

ఈ సంవత్సరం కొన్ని రాశుల వారు అత్యంత శక్తివంతులుగా..


2023 సంవత్సరం అనేక రాశిచక్రాల వారికి అదృష్టాన్ని కలిగించే సంవత్సరంగా చెబుతున్నారు జ్యోతిష శాస్త్ర నిపుణులు. అయితే అదృష్టంతో పాటు కొన్ని రాశిచక్రాల వారికి ఈ సంవత్సరం చాలా పవర్ ఫుల్ గా ఉంటుందని, వారు అనుకున్నవన్నీ తప్పకుండా నెరవేరుతాయని చెబుతున్నారు. ముఖ్యంగా వృత్తి, వ్యాపారాలు, ఉద్యోగాలలో వారు ఊహించని, ఎదురు చూడని పురోగతిని సాధిస్తారని చెబుతున్నారు. ఇక ఏ ఏ రాశుల వారు అత్యంత శక్తివంతంగా ఈ సంవత్సరం ముందుకు దూసుకుపోతారు అంటే

 ఈ ఏడాది సింహ రాశి వారి దూకుడు ఎలా ఉంటుందంటే

ఈ ఏడాది సింహ రాశి వారి దూకుడు ఎలా ఉంటుందంటే

సింహ రాశి జాతకులకు ఈ సంవత్సరం ముందుకు దూసుకు వెళ్లే అవకాశం ఎక్కువగా ఉంది. సింహ రాశి జాతకులు ఈ సంవత్సరం ఏది అనుకున్నా కచ్చితంగా జరుగుతుంది. ఏ విషయంలోనైనా స్థిరమైన నిర్ణయాలు తీసుకొని ఈ సంవత్సరం సింహ రాశి జాతకులు చాలా పేరు ప్రఖ్యాతులు, డబ్బు సంపాదిస్తారు. వృత్తి వ్యాపారాలలో మెరుగైన పురోగతిని సాధిస్తారు. ఉద్యోగాలలో ప్రమోషన్లు పొంది లీడర్ గా నిలుస్తారు. నాయకత్వ లక్షణాలతో అందరినీ ఆకట్టుకుంటారు. ఈ సంవత్సరం సింహ రాశి జాతకులకు అత్యంత ముఖ్యమైన సంవత్సరం గా చెప్పవచ్చు. వీరు తమ ప్రవర్తనతో అందరి దృష్టిని తన వైపుకు తిప్పుకుంటారు.

 మకర రాశి వారిలో ఈ స్వభావమే వారికి కలిసి వస్తుంది

మకర రాశి వారిలో ఈ స్వభావమే వారికి కలిసి వస్తుంది

ఇక ఈ సంవత్సరం అత్యంత శక్తివంతమైన రాశుల్లో మకర రాశి కూడా ఒకటి అని చెప్పాలి. మకర రాశి జాతకులు కూడా ఈ సంవత్సరం అనుకున్నవన్నీ సాధిస్తారు. వీరిలో ఉండే కష్టపడేతత్వం వీరిని ఉన్నత శిఖరాలకు తీసుకు వెళుతుంది. వచ్చే ప్రతి చిన్న అవకాశాన్ని సద్వినియోగం చేసుకోవడానికి ఆలోచించే మకర రాశి వారికి ఈ సంవత్సరం ఏ పని చేసినా కలిసి వస్తుంది. మకర రాశి వారికి ఈ సంవత్సరం ఆర్థికంగా, వృత్తి వ్యాపారాల పరంగా, ఉద్యోగ పరంగా కూడా లాభిస్తుంది. మకర రాశి జాతకులు ఈ సంవత్సరం ఏ కొత్త పని తలపెట్టినా నిర్విఘ్నంగా దానిని పూర్తి చేస్తారు.

 తులా రాశి వారికి ఈ సంవత్సరం ఎంతగా కలిసి వస్తుందంటే

తులా రాశి వారికి ఈ సంవత్సరం ఎంతగా కలిసి వస్తుందంటే

2023 లో అత్యంత శక్తివంతంగా చెప్పుకునే మరొక రాశి తులారాశి. ఈ సంవత్సరం తులారాశి వారు చాలా విషయాలలో నిశ్చింతగా, ప్రశాంతంగా ఉంటారు. ఈ సంవత్సరం తుల రాశి వారు ఏదైనా నిర్ణయం తీసుకుంటే కచ్చితంగా దానిని అమలు చేస్తారు. జీవితంలో అనేక సమస్యలను ఈ సంవత్సరం ఈజీగా తులారాశి వారు అధిగమిస్తారు. కొత్త సంవత్సరంలో తమ వ్యక్తిగత జీవితం పై శ్రద్ధ వహించి, కుటుంబానికి కొంత ప్రాధాన్యత ఇస్తారు. బాగా ఫోకస్ పెట్టి పని చేస్తే తులా రాశి వారు ఈ సంవత్సరం అన్నింటా విజయం సాధిస్తారని, వృత్తి వ్యాపారాలలో, ఉద్యోగ వ్యవహారాలలోనూ తులా రాశి జాతకులు ఈ సంవత్సరం మెరుగైన ఫలితాలను సాధిస్తారని చెబుతున్నారు.

 గతేడాదితో పోలిస్తే ఈ ఏడాది మీన రాశి వారికి కలిసొచ్చే అంశాలు ఇవే

గతేడాదితో పోలిస్తే ఈ ఏడాది మీన రాశి వారికి కలిసొచ్చే అంశాలు ఇవే

ఇక 2023లో చాలా పవర్ ఫుల్ గా చెప్పుకునే రాశుల్లో మరొక రాశి మీన రాశి. ఈ సంవత్సరం మీన రాశి జాతకులకు చాలా బాగా కలిసొస్తుంది. వారు ఉన్నత స్థానాలకు చేరుకోవడానికి సువర్ణ అవకాశాలు లభిస్తాయి. ఈ రాశి వారికి ఉద్యోగంలో ప్రమోషన్ లభించడమే కాకుండా, అందరిలోనూ మంచి పేరు ప్రఖ్యాతులు వస్తాయి. అంతేకాదు ఈ సంవత్సరం ప్రతికూల పరిస్థితులను అధిగమించడానికి వారు చేసే ప్రయత్నాలు సానుకూల ఫలితాలను ఇస్తాయి. మీలో ఉన్న నాయకత్వ లక్షణాలు ఈ సంవత్సరం అందరికీ తెలిసే అవకాశం ఉంటుంది. కాబట్టి మీన రాశి వారు 2022 తో పోలిస్తే 2023 లో చాలా శక్తివంతంగా ఉంటారని, మంచి ఫలితాలు సాధిస్తారు అని చెప్పబడింది.

disclaimer: ఈ కథనం వాస్తు, జ్యోతిష్య శాస్త్ర పండితుల అభిప్రాయాలు, సాధారణ నమ్మకాలు మరియు ఇంటర్నెట్‌లో అందుబాటులో ఉన్న అంశాల ఆధారంగా రూపొందించబడింది. oneindia దీనిని ధృవీకరించలేదు.

English summary
The powerful zodiac signs in 2023 are said to be Pisces, Leo, Capricorn and Libra. It is said that luck will come to them whether it is job or business.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X