సర్కారు చేతిలోనేస్థానికఅధికారాలు

హైదరాబాద్‌: స్థానిక సంస్థలకు అధికారాలు, విధులు, బాధ్యతలను వేటినీ రాష్ట్ర ప్రభుత్వం బదలాయించడం లేదని సిపిఎం ఆరోపించింది. రానున్న ప్రాదేశీక నియోజకవర్గాల ఎన్నికలకు సంబంధించి పార్టీ గురువారం నాడు ఎన్నికల మేనిఫెస్టోను విడుదల చేశారు.

ఈ ఎన్నికల ప్రణాళికలో స్థానిక సంస్థలను బలోపేతం చేసేందుకు 16 అంశాలను పొందుపర్చారు. ఈ సందర్భంగా మాట్లాడుతూ, స్థానిక సంస్థల నేతల చేతుల్లో వుండాల్సిన అధికారాలను మంత్రులు, నోడల్‌ అధికారులు తమ గుప్పిట్లో పెట్టుకుంటున్నారని పార్టీ నేత రాఘవులు దుయ్యబట్టారు. రాష్ట్రంలోని వివిధ ప్రాంతాల్లో ముఖ్యంగా కర్నూలు జిల్లాలో ఏకగ్రీవ ఎన్నికలు ప్రహసనంగా మారాయని ఆయన విమర్శించారు.