భారత్‌ - పాక్‌ సరిహద్దులో భారీకాల్పులు

జమ్ముః భారత్‌ - పాక్‌ ల మధ్య ఉద్రిక్తతలను తగ్గించేందుకు అంతర్జాతీయంగా ముమ్మరంగా ప్రయత్నాలు జరుగుతుండగా ఉభయదేశాల సరిహద్దులో శనివారం భారీ ఎత్తున కాల్పులు జరిగాయి. శనివారం ఉదయం నుంచి పూంఛ్‌ ప్రాంతంలో పాకిస్తాన్‌ సేనలు మోర్టార్లతో పెద్దఎత్తున కాల్పులు జరిపాయని భారత సైనిక అధికారులు చెప్పారు. ఈ కాల్పుల్లో ఓ భారత పౌరుడు మరణించగా ఇద్దరు గాయపడ్డారు. భారత్‌ కూడా ఎదురుకాల్పులు జరిపింది.

భారత్‌ ఎదురు దాడిలో కనీసం 12 పాక్‌ బంకర్లు ధ్వంసం అయ్యాయి. పదిమంది పాక్‌ సేనలు మరణించారని సైనికాధికారులు చెప్పారు. పలువురు పాక్‌ సైనికులు బంకర్లు వదిలి పారిపోవడం కనిపించిందని అధికారులు చెబుతున్నారు.

పాక్‌ సేనలు ఇంకా మోర్టార్లతో దాడులు జరుపుతునే వున్నాయని భారత్‌ సైనికాధికారులు చెప్పారు. అక్నూరు, రాజోరి సెక్టార్లలో కూడా భారత్‌ - పాకస్తాన్‌ సేనల మధ్య కాల్పులు జరుగుతున్నాయి.