ప్రత్యూష హంతకుల్ని శిక్షించాలిఃబాబూమోహన్‌

హైదరాబాద్‌ః సినీ నటి ప్రత్యూష అనుమానాస్పద మృతి విషయాన్ని తెలుగుదేశం ఎమ్మెల్ల్యే, సినీ నటుడు బాబూ మోహన్‌ బుధవారం అసెంబ్లీలో ప్రస్తావించారు. అసెంబ్లీ జీరో అవర్‌ లో బాబూ మోహన్‌ ఈ విషయాన్ని ప్రస్తావిస్తూ వర్థమాన తార ప్రత్యూష ఆకస్మిక మరణం సినీ రంగాన్ని దిగ్భ్రాంతికి గురిచేసిందన్నారు.

ప్రత్యూష మరణంపై పలు అనుమానాలు కలుగుతున్నాయని, పూర్తి స్థాయివిచారణ జరిపించి బాధ్యులపై చర్యలు తీసుకోవాలని బాబూ మోహన్‌ డిమాండ్‌ చేశారు.

ఇటువంటి సంఘటనలు పునరావృతం కాకుండా కట్టుదిట్టమైన చర్యలు తీసుకోవాల్సిన అవసరం వున్నదని బాబూ మోహన్‌ అభిప్రాయ పడ్డారు.