కరీంనగర్‌లో పేలుడుః 10మంది మృతి

హైదరాబాద్‌ః కరీంనగర్‌ జిల్లా వేములవాడకు సమీపంలోని కొడిముంజాల గ్రామంలో బుధవారం ఉదయం సంభవించిన భారీ పేలుడులో 10 మంది మరణించారు. మరో 15 మంది ఇంకా శిధిలాల కింద వున్నట్లు అనుమానిస్తున్నారు. మరో పదిమంది తీవ్రంగా గాయపడ్డారు. 40 ఇళ్లు ధ్వంసం అయ్యాయి. పేలుడు పదార్ధాల డీలర్‌ ఒకరు ట్రక్కులోపెద్దఎత్తున తెచ్చిన జిలెటిన్‌ స్టిక్స్‌, డిటోనేటర్ల లోడ్‌ను లారీనుంచి దింపుతుండగా ఈ ప్రమాదం సంభవించింది. గ్రామంలోని బిసి కాలనీలో వున్న గోడౌన్లో నిల్వచేసేందుకు సదరు డీలర్‌ వాటిని అక్కడికి తెచ్చినట్టుగా చెబుతున్నారు. కొండలను పగలకొట్టేందుకు ఈ పేలుడు పదార్ధాలను ఉపయోగిస్తారని చెబుతున్నారు.

లోడ్‌ దింపుతున్న కార్మికుల్లోఅయిదుగురు అక్కడికక్కడే మరణించారు. వారి మృతదేహాలు గుర్తుపట్టలేని విధంగా మాంసపు ముద్దలుగా మారాయి. మరో ఐదుగురు కూడా ఈ ప్రమాదంలో మరణించారు. వేములవాడకు ఆరు కిలోమీటర్ల దూరంలోని ఈ గ్రామంలో జరిగిన పేలుడు శబ్దాలు మండలం అంతటావినిపించారు. పేలుడు స్థలంలో వున్న వ్యక్తులు శరీర భాగాలు ఫర్లాంగు దూరం వరకువిసిరివేయబడ్డాయి. చుట్టుపక్కల ఇళ్లలో మరో పదిహేను మందిపైగా మరణించారనిఅంటున్నారు. వేములవాడ, కరీంనగర్‌ నుంచిఫైరింజన్లు, ప్రొక్లైనర్లను కొడిముంజాలకుపంపారు. కూలిన ఇళ్లలో మృతుల సంఖ్యఎక్కువే వుండవచ్చన్న అభిప్రాయం కొందరు అధికారులు వ్యక్తం చేశారు.