యుపిలో రాష్ట్రపతి పాలన?

న్యూఢిల్లీః ఇటీవల జరిగిన అసెంబ్లీ ఎన్నికల్లో ఏ పార్టీకి స్పష్టమైన మెజార్టీ రాకపోవడంతో ఉత్తరప్రదేశ్‌లో రాష్ట్రపతి పాలన విధించాలని ఆ రాష్ట్ర గవర్నర్‌ విష్ణుకాంత్‌శాస్త్రి రాష్ట్రపతి కెఆర్‌ నారాయణన్‌కు లేఖ రాశారు. అన్ని పార్టీలతో సంప్రదించిన తర్వాతే రాష్ట్రపతి పాలనకు గవర్నర్‌ సిఫారసు చేశారని రాజ్‌భవన్‌ వర్గాలు చెప్పాయి.

కేంద్ర కేబినెట్‌ గురు లేదా శుక్రవారాల్లో ఒక నిర్ణయం తీసుకుంటుందని తెలిసింది. 1996లో కూడాఅసెంబ్లీ ఎన్నికల తర్వాత ఏ పార్టీకి స్పష్టమైన మెజార్టీ రాకపోవడంతో రాష్ట్రపతిపాలన విధించారు. అయితే ఆ తర్వాత బిఎస్‌పి, బిజెపి పొత్తుపెట్టుకోవడంతో రాష్ట్రపతిపాలన ఎత్తివేసి కొత్త కూటమి ప్రభుత్వం ఏర్పాటుకు అవకాశం ఇచ్చారు.