పూజకు ఓకె అన్న కేంద్రంః వి.హెచ్‌.పి.

న్యూఢిల్లీః అయోధ్య లోనివివాదరహిత స్థలంతో మార్చి 15న పూజలు నిర్వహించుకొనేందుకు కేంద్రం తమకు అనుమతించిందనివిశ్వహిందూ పరిషత్‌ శుక్రవారం ప్రకటించింది. అయోధ్యలోనివివాదరహిత స్థలంలో పూజ నిర్వహించాలంటే మొదట కరసేవకులను అక్కడికి అనుమతించాలని విశ్వహిందూ పరిషత్‌ నేత ఓంకార్‌ బావే చెప్పారు. జూన్‌ 2 లోగా 43 ఎకరాల వివాదరహిత స్థలాన్ని కేంద్ర తమకు అప్పగిస్తుందని కూడా ఆయన ఆశాభావం వ్యక్తం చేశారు.

జయేంద్రసరస్వతి దౌత్యం ఫలించి అయోధ్య సమస్యపై కోర్టు తీర్పును గౌరవించేందుకు వి.హెచ్‌.పి.అంగీకరించింది. వివాద రహిత స్థలంలో మామూలు పూజ చేసుకొనేందుకు కేంద్రం అనుమతిస్తుందని జయేంద్రసరస్వతి కూడా చెన్నైలో చెప్పారు. పూజకు అంగీకరించే షరతుమీదేవిశ్వహిందూ పరిషత్‌ ఒకమెట్టు దిగివచ్చిందనే అభిప్రాయం కూడా వ్యక్తం అవుతున్నది. మార్చి 15నాడు వి.హెచ్‌.పి. కేవలం పూజకే పరిమితం అవుతుందా... హామీని పక్కనపెట్టి మరో అడుగు ముందుకు వేస్తుందో వేచి చూడాలి.