వనపర్తి యాక్సిడెంట్‌ లో ఏడుగురు మృతి

మహబూబ్‌ నగర్‌ః మహబూబ్‌ నగర్‌ జిల్లాలో ఆదివారం వేకువజామున జరిగిన రోడ్డు ప్రమాదంలో ఏడుగురు దుర్మరణం పాలయ్యారు. మరో ఎనిమిది మంది ఈ దుర్ఘటనలో తీవ్రంగా గాయపడ్డారు. మహబూబ్‌ నగర్‌ ఆస్పత్రిలో చికిత్స పొందుతున్న ఈ ఎనిమిది మందిలో ముగ్గురి పరిస్థితి ఆందోళన కరంగా వుంది. వనపర్తికి మూడు కిలోమీటర్ల దూరంలో ఈ ప్రమాదం జరిగింది.

నాగర్‌ కర్నూలు మండలం నాగనూరు గ్రామానికి చెందినపెళ్ళి బృందంతో వెళుతున్న డిసిఎం వ్యాను వనపర్తి వద్ద బోల్తా పడింది. వ్యానులోని ముగ్గురు మహిళలు, ఇద్దరు పిల్లలు, డిసిఎం వ్యాన్‌ క్లీనర్‌ అక్కడికక్కడే మరణించారు. మరొకరు ఆస్పత్రిలో మరణించారు.పెళ్ళి బృందం ఇలా ప్రమాదం పాలు కావడంతో నాగనూరులోవిషాద ఛాయలు అలముకున్నాయి.