ప్రత్యూష మరణించిందాః సిద్ధార్థ ప్రశ్న

హైదరాబాద్‌ః వర్ధమాన నటి ప్రత్యూష కేసులో కీలక సాక్షి, అనుమానితుడూ కూడా ఆయిన సిద్ధార్థ రెడ్డికి పాపం ప్రత్యూష ఏమయిందో ఇప్పటివరకూ తెలియదట? సోమవారం నాడు తొమ్మిదో మెట్రోపాలిటన్‌ మెజిస్ట్రేట్‌ ఆనందరావు కోర్టులో సిఐడి పోలీసులు సిద్ధార్థరెడ్డిని హాజరుపర్చినప్పుడు హై డ్రామా నడిచింది. వివిఐపి ఎవరైనా అనూహ్యంగా క్రిమినల్‌ కేసులో ఇరక్కున్నప్పుడు కోర్టులో హాజరుపర్చే సమయంలో ఏవిధంగా ప్రవర్తిస్తారో పోలీసులు ఆ విధంగా ప్రవర్తించారు.విలేకరులు, ఎలక్ట్రానిక్‌ మీడియా ప్రతినిధులు సిద్ధార్థ దరిదాపుల్లోకి కూడా రాకుండా సకల జాగ్రత్తలు తీసుకున్నారు. మేజిస్ట్రేట్‌ ఆనందరావు కూడా ఈ కేసులో పోలీసులు వైఖరిని మెత్తగా మందలించారు. కేసులో నిందితున్ని ప్రశ్నించే విషయంలో అనుమానితులను అదుపులోకి తీసుకునే విషయంలో పోలీసుల ప్రవర్తనను ఆక్షేపించారు. ఈ నెల 20వరుకు సిద్ధార్ధను జుడిషియల్‌ కస్టడీలో వుంచాల్సిందిగా న్యాయమూర్తి ఆదేశించిన తర్వాత కోర్టునుంచి సిద్ధార్థరెడ్డిని చంచల్‌గూడా జైలుకు తరలించారు. కోర్టు ఆవరణలో సిద్ధార్థతో మాట్లాడేందుకు విఫల ప్రయత్నం చేసిన విలేకరులు ఎట్టకేలకు చంచల్‌గూడా దగ్గర సిద్ధార్థతో మాట్లాడించగలిగారు. తమ ప్రేమను మొదట్లో ఇద్దరి ఇళ్లలో
అంగీకరించలేదని అయితే ప్రత్యూష్‌ ఇంట్లో ఆ తర్వాత ఒప్పుకున్నా తమ ఇంట్లో మాత్రం అంగీకరించలేదని సిద్ధార్థ చెప్పాడు.

క్షణికావేశంలో ఆత్మహత్య నిర్ణయం తీసుకుని హిమాయత్‌నగర్‌లోని ఒక షాపులో క్రిమిసంహారక మందుకొన్నామని దానిపేరేమిటో తనకు తెలియదని చెప్పారు. అయిదు నిమిషాల తేడాతో వేరువేరు చోట్ల దానిని తాము తాగినట్టుగా తెలిపాడు. ప్రత్యూషవిషయమే తనకు తెలియదని ఒక ప్రశ్నకు సమాధానంగా అన్నాడు.ప్రత్యూష ఎలావుందోమీరే చెప్పాలి అని విలేకరులను ఉద్దేశించి అన్నాడు. ప్రత్యూష మరణించినవిషయం తెలియదా అంటే ఇప్పుడు మీరు చెబుతునే తెలుస్తున్నదని బదులిచ్చాడు. ఆరేళ్లనుంచి ప్రేమిస్తున్న వ్యక్తిఎలావుందో మీరి ఇంతవరకు ఎవరినీ అడగలేదాఅంటే ఎవర్ని అడగాలి అంటూ ఎదురు ప్రశ్నించాడు. తాను కూడా తొమ్మిది రోజులు పాటు సృహలో లేనని ఆదివారం నాడే సృహలోకి రాగానే పోలీసులుఅరెస్టు చేశారని వివరించాడు.