మిత్రుల ప్రసన్నానికి ప్రధాని పాట్లు

న్యూఢిల్లీః అయోధ్యలో వివాదరహిత స్థలంలో భూమి పూజకు సానుకూలంగా వాదించిన వాజ్‌పేయి ప్రభుత్వంపై ఎన్‌డిఎ భాగస్వామ్య పక్షాల నేతలు తీవ్ర ఆగ్రహంతో వున్నారు. వీరిని ప్రసన్నం చేసుకోవడానికి ప్రధాని వాజ్‌పేయి స్వయంగా ప్రయత్నాలు ప్రారంభించారు. తెలుగుదేశం, తృణమూల్‌ కాంగ్రెస్‌, డిఎంకె, లోక్‌ జనశక్తి, ఆర్‌ఎల్‌డి నేతలతో వాజ్‌పేయి బుధవారం నాడు సమావేశమయ్యారు.

ఈ సమావేశానికి అటార్నీ జనరల్‌ సొరబ్జీ కూడాహాజరయ్యారు. ప్రభుత్వ వైఖరిని తాను 1994 నాటి కోర్టు ఉత్తర్వులకు అనుకూలంగా వ్యాఖ్యానించానని సొరబ్జీవివరణ ఇచ్చారు. అయితే ఈ వివరణతో ఏ మాత్రం సంతృప్తి చెందని మిత్రపక్షాల నేతలు ప్రభుత్వ వైఖరిపై తీవ్ర అభ్యంతరాలు వ్యక్తం చేశారు. ప్రభుత్వం తమకు మాటమాత్రం చెప్పకుండా సుప్రీం కోర్టులో తన చిత్తం వచ్చినట్టుగా వాదించడాన్ని తృణమూల్‌ కాంగ్రెస్‌ తీవ్రంగావిమర్శించింది.ఇది బిజెపి ప్రభుత్వం కాదని ఎన్‌డిఎ ప్రభుత్వమని ఆమె ఘాటుగా చెప్పారు. ప్రభుత్వాన్ని తీవ్రంగా దుయ్యబట్టినప్పటికీ మద్దతు ఉపసంహరించుకునేవిషయంలో మాత్రం ఎవరూ నేరుగా సమాధానం చెప్పలేదు. సమావేశానికి ఎర్రన్నాయుడు, మమతా బెనర్జీ, అజిత్‌సింగ్‌, రామ్‌ విలాస్‌ పాశ్వాన్‌, ఎస్‌ పలనిమణిక్కంహాజరయ్యారు.