ఆలయ నిర్మాణానికి ఇది ఆమోదముద్ర

న్యూఢిల్లీః అయోధ్యలో శుక్రవారం నాడు జరిగిన శిలాదాన్‌ కార్యక్రమంలో పాల్గొని రామజన్మభూమి న్యాస్‌ నేత పరమహంస రామచంద్ర నుంచి శిలలను స్వీకరించడం ద్వారా కేంద్రం రామాలయ నిర్మాణానికి సూత్రప్రాయంగా అంగీకరించిందని విహెచ్‌పి ప్రకటించింది. ఢిల్లీలో జరిగిన విలేకరుల సమావేశంలో విహెచ్‌పి అంతర్జాతీయ కార్యదర్శి ప్రవీణ్‌ తొగాడియా ప్రసంగించారు.

అయోధ్యలో శిలాదానం సవ్యంగా జరగడం హిందూత్వ శక్తులవిజయంగా ఆయన అభివర్ణించారు. అన్ని అడ్డుంకులను అధిగమించి విహెచ్‌పి శిలాదాన్‌ కార్యక్రమాన్నివిజయవంతంగా నిర్వహించిందని ఆయన చెప్పారు. ప్రధాని ప్రత్యేక దూతగా అయోధ్య వెళ్లిన శతృఘ్నసింగ్‌ రామజన్మభూమి న్యాస్‌ నేత పరమహంస నుంచి శిలాదానంస్వీకరించారని తొగాడియా చెప్పారు. ఆలయ నిర్మాణం దిశగా ఇది మరో ముందడుగని ఆయన అభివర్ణించారు. విహెచ్‌పి అధ్యక్షుడుఅశోక్‌ సింఘాల్‌ కూడా శిలాదాన్‌ సవ్యంగా జరగడం పట్ల హర్షం వ్యక్తం చేశారు. ఆలయనిర్మాణం హింసాత్మకంగా జరగాలని తాము ఎన్నడూ కోరుకోలేదని ఆయన స్పష్టం చేశారు. ఇది తమ లక్ష్య సాధన దిశలో మరో ముందడుగని అయోధ్యలోవిలేకరులతో మాట్లాడుతూ ఆనందంగా ప్రకటించారు.