పాతబస్తీ అల్లర్లపైఅసెంబ్లీలో రభస

హైదరాబాద్‌: భారతీయ జనతా పార్టీ (బిజెపి), మజ్లీస్‌లపై హోం మంత్రి టి. దేవేందర్‌ గౌడ్‌ చేసిన వ్యాఖ్యలు శనివారం శాసనసభలో తీవ్ర గందరగోళానికి దారి తీశాయి. హైదరాబాద్‌ పాత బస్తీలో చెలరేగిన అల్లర్లపై వెంటనే చర్చ జరగాలని బిజెపి, మజ్లీస్‌
పట్టుబట్టాయి. ఈ రెండు పార్టీలు కూడా వాయిదా తీర్మానం ప్రతిపాదించాయి.

ఒక సందర్భంలో మజ్లీస్‌ సభ్యులుస్పీకర్‌ పోడియం వద్ద బైఠాయించారు. మజ్లీస్‌ ముస్లింలకు, బిజెపి హిందువులకు ప్రాతినిధ్యం వహిస్తున్నట్లుగామాట్లాడుతున్నాయని హోం మంత్రి దేవేందర్‌ గౌడ్‌ అన్నారు. అల్లర్ల వల్లపేదలు నష్టపోతున్నారని, పేదలకు మతం లేదని ఆయన అన్నారు. మంత్రి వ్యాఖ్యలకు మజ్లీస్‌, బిజెపి సభ్యులు తీవ్ర అభ్యంతరం తెలియజేశారు. బిజెపి సభ్యులు తీవ్ర నిరసన వ్యక్తం చేశారు. మంత్రి తన వ్యాఖ్యలను ఉపసంహరించుకోవాలని మజ్లీస్‌ సభ్యులు పట్టుబట్టారు.స్పీకర్‌ పోడియం వద్దకు దూసుకెళ్లి బైఠాయించారు.