బిఎస్‌ఎఫ్‌ కార్యాలయంపై దాడి

హైదరాబాద్‌ః న్యాయం ధర్మం గురించి కబుర్లు చెప్పే ముఖ్యమంత్రి చంద్రబాబునాయుడు తన మంత్రివర్గంలోకి నేరచరిత్ర వున్న వారిని తీసుకోవడంపై సోమవారం నాడు అసెంబ్లీలో తీవ్ర స్థాయిలో అధికార, విపక్షాల మధ్య వాగ్యుద్ధంజరిగింది. ఈ అంశంపై సభలో జరిగిన రభస వల్ల సభ రెండు సార్లు వాయిదా పడింది. అధికార ప్రతిపక్ష సభ్యులు ఒకరి చరిత్ర మరొకరు చిట్టాలు విప్పారు.

పౌరసరఫరాల శాఖ మంత్రి కోడెల శివప్రసాదరావు, గృహనిర్మాణశాఖ మంత్రి రామసుబ్బారెడ్డిలకు కేబినెట్‌లో స్థానం కల్పించడాన్ని సభ్యులు తీవ్రంగా తప్పుబట్టారు. వారిని మంత్రివర్గం నుంచి తప్పించి ప్రజలకు ముఖ్యమంత్రి క్షమాపణ చెప్పాలని డిమాండ్‌ చేశారు. కాంగ్రెస్‌ సభ్యుడు ధర్మాన ప్రసాదరావు సావధాన తీర్మానం ద్వారా ఈఅంశాన్ని రూల్‌ 74 కింద ప్రస్తావించారు. ఈ ప్రస్తావన సభలో తేవడాన్ని అధికార పక్షం తీవ్రంగా వ్యతిరేకించింది. తాను కోడెల, రామసుబ్బారెడ్డిలను ఏమీ ప్రశ్నించడంలేదని ముఖ్యమంత్రి విజ్ఞతను ప్రశ్నిస్తున్నానని ప్రసాదారావు వ్యాఖ్యానించడంతో సభలో తీవ్ర రభస చెలరేగింది. ముఖ్యమంత్రి ఆవేశంగా సమాధానం చెబుతూ, సిబిఐ క్లీన్‌ చిట్‌ ఇచ్చిన తర్వాతనే కోడెలను కేబినెట్‌లోకి తీసుకోవాలని నిర్ణయించినట్టుగా చెప్పారు. రామసుబ్బారెడ్డిపైఅసలు కేసే నమోదు కాలేదని స్పష్టం చేశారు. ఆయన్ను అన్యాయంగా కేసులో ఇరికించారని ముఖ్యమంత్రి గట్టిగా చెప్పారు. కాంగ్రెస్‌ వారికిఅసెంబ్లీపై, కోర్టుపై, స్పీకర్‌పై ఎవరిపై నమ్మకం లేదని కేవలం దౌర్జన్యంపై మాత్రమే నమ్మకం వున్నదని ముఖ్యమంత్రి తీవ్రస్థాయిలో దుయ్యబట్టారు. రామసుబ్బారెడ్డికి నోట్లో నాలుక కూడా లేదని ముఖ్యమంత్రి అన్నారు. ఈ దశలో వైఎస్‌ జోక్యం చేసుకుని కోడెల కేసులో సిబిఐవిచారణ ప్రారంభించకుండా కేంద్రాన్ని రాష్ట్ర ప్రభుత్వమే కోరిందని ఆరోపించారు. కోడెలకు క్లీన్‌ చిట్‌ ఇచ్చినట్టు ఎక్కడున్నదని ప్రశ్నించారు. ఈవిషయం నిజం కాదని ముఖ్యమంత్రి చెప్పగలరా అని ఆయన ప్రశ్నించారు. జంటహత్యల కేసులో తనపై వచ్చిన ఆరోపణలకు కోడెల సమాధానమిస్తూ, తాను 1983 నుంచి నర్సారావుపేట నుంచి వరుసగాఅయిదుసార్లు గెలుపొందానని చెప్పారు. ప్రతిసారి అంతకు ముందు కంటే ఎక్కువ మెజార్టీ సాధిస్తూ రికార్డు సృష్టించానని ఆయన చెప్పారు. ఒక దశలో ఆయన ఆవేశంతో ఊగిపోతూ నోర్ముయ్‌..అంటూ విపక్ష సభ్యులను గదమాయించడం కనిపించింది.