అవసరమైతే సింఘాల్‌ కస్టడీ

న్యూఢిల్లీః విశ్వహిందూ పరిషత్‌ నేత అశోక్‌ సింఘాల్‌ నిరశన దీక్షను కొనసాగిస్తే ప్రభుత్వం ఆయన్ను రక్షిత నిర్బంధంలోకి తీసుకుంటుందని ప్రధాని వాజ్‌పేయి చెప్పారు. క్షీణిస్తున్న సింఘాల్‌ ఆరోగ్య పరిస్థితి పట్ల ఆయన ఆందోళన వ్యక్తం చేశారు.

రాజ్యసభలో సోమవారం నాడు రాష్ట్రపతి ప్రసంగానికి ధన్యవాదాలు తెలిపే తీర్మానం పై జరిగిన చర్చకు ఆయన సమాధానం ఇచ్చారు. ఈ సందర్భంగా మాట్లాడుతూ, అయోధ్యలో మళ్లీ సాధారణ పరిస్థితులు నెలకొన్నాయని ఆయన చెప్పారు. అయోధ్యపై సింఘాల్‌ నిరశనకుఅర్ధం లేదని వాజ్‌పేయి వ్యాఖ్యానించారు. తాను నిరశనలో కూచుంటే ఎంపీలు అయోధ్యవిషయాన్ని సభలో ఇంకా లేవనెత్తుతూనే వుంటారని సింఘాల్‌ భావించివుంటారని ఆయన వ్యాఖ్యానించారు. అయోధ్య గురించి చెప్పాల్సింది మాట్లాడాల్సిందిఅంతా అయిపోయిందని ఆయన అన్నారు. ఉత్తరప్రదేశ్‌ ప్రస్తుతం కేంద్ర పాలనలో వున్నదని అక్కడేం చేయాలో తమకు బాగా తెలుసునని ఆయన అన్నారు.