ప్రైవేట్‌పరంపై ప్రభుత్వంమీద ధ్వజం

హైదరాబాద్‌: ప్రభుత్వ చక్కెర ఫ్యాక్టరీలను, స్పిన్నింగ్‌మిల్లులను ప్రయివేట్‌ పరం చేసే ప్రభుత్వ ప్రయత్నాలను ప్రతిపక్షాలు బుధవారం శాసనసభలో దుయ్యబట్టాయి.వీటిని ప్రభుత్వం నామ మాత్రం ధరలకు అమ్మకానికి పెడుతోందని కాంగ్రెస్‌, సిపిఎం సభ్యులువిమర్శించారు.

వీటికి ఐఎఎస్‌, ఐపిఎస్‌ అధికారులను, ఆర్‌డివోలను అధిపతులుగా నియమించి వాటిని ప్రభుత్వం నష్టాల ఊబిలోకి నెట్టిందని కాంగ్రెస్‌ సభ్యుడు పాల్వాయి గోవర్ధన్‌ రెడ్డివిమర్శించారు. అప్పులు పెరిగాయి కాబట్టి పంచదార కర్మాగారాలను, స్పిన్నింగ్‌మిల్లులను అమ్ముతామని ప్రభుత్వం చెప్పడం సరి కాదని సిపిఎం సభ్యుడు నోముల నరసింహయ్య అన్నారు. ఆంధ్రప్రదేశ్‌అప్పులు పెరిగాయి కాబట్టి ఆంధ్రప్రదేశ్‌ను కూడా అమ్ముతారా అని ఆయన అడిగారు.