• search

ప్రైవేటీకరణపైఅసెంబ్లీలో రగడ

Posted By:
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    హైదరాబాద్‌: సహకార స్పిన్నింగ్‌, పంచదారమిల్లుల ప్రయివేటీకరణ ప్రతిపాదనలపై శనివారం శాసనసభలో తీవ్ర రగడ చెలరేగింది. ఈమిల్లుల ప్రయివేటీకరణకు దారి తీసిన పరిస్థితులపైవిచారణ జరపడానికి సభా సంఘం వేయాలని ప్రతిపక్షాలు చేసిన డిమాండ్‌ను ప్రభుత్వం త్రోసి పుచ్చింది. పునరుద్ధరణకువీలు లేని మిల్లులను ప్రయివేట్‌ పరం చేయడం తప్ప మార్గం లేదని ప్రభుత్వం స్పష్టం చేసింది.

    మిల్లుల ప్రయివేటీకరణ వ్యవహారం పలు అనుమానాలకు తావిస్తోందని, ప్రభుత్వం ఈవిషయంలో పారదర్శకతను నిరూపించుకోవడానికి సభా సంఘం వేయాలని ప్రతిపక్ష నాయకుడు డాక్టర్‌ వై.యస్‌. రాజశేఖర్‌ రెడ్డి అన్నారు.మిల్లులకు ఇచ్చిన రాయితీలను అప్పుల కిందికి మార్చి ప్రభుత్వం వాటిని నష్టాల్లోకి నెట్టిందని ఆయనవిమర్శించారు. లాభాల్లో నడుస్తున్న మిల్లులను కూడా తక్కువ ధరకు అమ్మేస్తున్నారని ఆయన అన్నారు.

    పునరుద్ధరణకు వీలు కాని మిల్లులను ప్రయివేట్‌పరం చేస్తామని, వీలయ్యే వాటిని నడిపిస్తామని, ఉద్యోగులకుస్వచ్ఛంద పదవీ విమరణ పథకాన్ని అమలు చేస్తామని, కొంత మందిని ఇతర శాఖల్లో నియమిస్తామని ఆర్థిక మంత్రి యనమల రామకృష్ణుడు చెప్పారు.

    ప్రభుత్వం సభా సంఘానికి అంగీకరించనందుకు నిరసనగా సిపిఎం సభ్యులు సభ నుంచి వాకౌట్‌ చేశారు. మంత్రి ప్రకటనకు సంతృప్తి చెందని కాంగ్రెస్‌ సభ్యులుస్పీకర్‌ పోడియాన్ని చుట్టుముట్టారు. దీంతో డిప్యూటీస్పీకర్‌ హరీశ్వర్‌ రెడ్డి సభను వాయిదా వేశారు.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more